Luigi Pelazza, gazetari i emisionit investigativ “Le Iene” në televizionin italian “Italia 1” vazhdon investigimin e tij për mashtrimet telefonike nëpërmjet call center -ave që e kanë bazën në Tiranë. Pas një operacioni policor, tetë persona, mes tyre konsulentë dhe drejtues, u arrestuan.
Pelazza tregon se aktiviteti është i organizuar në mënyrë të tillë që disa call center-e punojnë paralelisht në Shqipëri dhe Itali, duke siguruar pagesa të rregullta cash për operatorët – rreth 2 milion euro çdo muaj – dhe duke krijuar një rrjet masiv mashtrimesh.
Informatorët kryesorë, përfshirë Sofian dhe Ilirin, dhanë detaje për mënyrën e punës, vendndodhjen e zyrave dhe menaxhimin e call center -ave. Iliri theksoi se Olsi Rama, vëllai i kryeministrit shqiptar, Edi Rama, është personi që financon dhe menaxhon disa prej call center-ave, duke përdorur persona të tjerë si prestanomi për të shmangur kontrollin policor.
Pjesë e rëndësishme e investigimit lidhet me mungesën e bashkëpunimit të Policisë së Shtetit.
Pelazza kontaktoi dy drejtues të lartë, Neritan Nallbati dhe ndihmësin e tij Virson Stroka, të cilët premtonin ndërhyrje për të mbyllur aktivitetin. Por, pas tre javësh nuk u ndërmor asnjë veprim.
Gazetari thekson se kjo tregoi mangësi të koordinimit ose mbrojtje të mundshme nga individë me pushtet, duke e bërë rrjetin e call center -ave të vazhdojë aktivitetin e tij pa u shqetësuar.
Investigimi gjithashtu përmend një ish-deputet të Partisë Socialiste, i cili nuk është i përfshirë drejtpërdrejt në menaxhimin e call center-ave, por përmendet si individ me lidhje politike që mund të ketë pasur ndikim indirekt mbi mënyrën se si operonin disa aktivitete të dyshimta financiare.
LEXO EDHE:
Pjesë nga investigimi:
“Pas një operacioni të përbashkët me autoritetet shqiptare, tetë persona u arrestuan. Mes tyre ka menaxherë dhe konsulentë që menaxhonin dhjetëra operatorë në zyra të ndryshme në Tiranë”, thuhet në investigim.
Luigi Pelazza (brenda call center-it):
“Këtu çdo punonjës ka lista të klientëve që duhet të kontaktojë çdo ditë. Ata përdorin identitete false dhe emra të ndryshëm për të mos u zbuluar.”
Luigi Pelazza (narracion):
“Pas mbledhjes së të gjitha informacioneve nga dëshmitarët dhe hartës së call center-ave, vendosa të kontaktoj dy drejtues të lartë të Policisë së Shtetit. Njëri prej tyre është Neritan Nallbati dhe ndihmësi i tij, Virson Stroka.”
Gazetari (zë i regjistruar, duke folur në telefon):
“Zoti Nallbati, ne kemi një hartë të plotë të call center-ave që operojnë në Tiranë dhe kemi dëshmi të qarta se po zhvillohet një aktivitet mashtrimi masiv kundër qytetarëve të Europës. A mund të ndërhyni?”
Neritan Nallbati (në telefon, sipas regjistrimeve):
“Do të shqyrtojmë situatën dhe do të ndërhyjmë shpejt. Faleminderit që na njoftuat për këtë rast.”
Luigi Pelazza (narracion):
“Premtimi ishte i qartë, por pas tre javësh nuk mora asnjë përgjigje dhe nuk u ndërmor asnjë veprim konkret ndaj call center-ave. Kjo më bëri të dyshoja për mungesë bashkëpunimi, ose për diçka më të madhe që fshihej pas këtij sistemi.”
Luigi Pelazza (narracion):
“Ky moment shërben për të kuptuar se ndërhyrja e institucioneve nuk ishte e mjaftueshme. Për këtë arsye, vendosa të vazhdoja hetimin vetë, duke shkuar në Tiranë dhe duke ndjekur hartën që i dorëzova Nallbatit dhe Stroka-s. Ishte koha të shihja se kush vërtet menaxhonte këtë rrjet të madh mashtrimesh.”
Narratori:
“Kjo pjesë tregon qartë një problem të mundshëm të koordinimit ose mungesës së përgjegjësisë nga ana e strukturave të larta të Policisë, ndërsa investigimi vazhdon me gjurmimin e call center-ave në qytet.”
Luigi Pelazza (narracion):
“Pas mungesës së veprimit nga Nallbati dhe Stroka, vendosa të kthehem në Tiranë për të ndjekur vetë rrjetin e call center-ave. Bashkë me disa informatorë lokalë filluam të vizitonim zyrat e hartës që u dorëzua më parë.”
Informatori 1 (Sofia, anonim):
“Unë kam punuar aty për disa muaj dhe kuptova që gjithçka ishte mashtrim. Ata i thonin klientëve se po rritnin investimet e tyre, por çdo gjë ishte e rreme. Rrogat jepeshin çdo muaj në cash, rreth 2 milion euro.”
Narratori:
“Zyrat ishin të shpërndara në disa komplekse dhe pallate në qendër të Tiranës. Për të shmangur zbulimin, disa call center-e në Itali dhe Shqipëri punonin paralelisht.”
Informatori 2 (Iliri, anonim):
“Personi që financonte dhe menaxhonte këto call center-e ishte Olsi Rama, vëllai i kryeministrit. Ai përdorte persona të tjerë si prestanomi për të mbuluar emrin dhe për të shmangur kontrollin policor.”
Luigi Pelazza (narracion):
“Pas informacioneve nga Iliri, vendosa të takoj disa drejtues të lartë policorë për të raportuar detajet, por edhe kjo nuk solli veprim. Në këtë moment kuptova se rrjeti ishte shumë i fuqishëm dhe po operonte me mbrojtje të mundshme nga nivelet më të larta.”
Narratori:
“Investigimi tregon se pagesat bëheshin çdo 10-të të muajit dhe mblidheshin nga persona të besuar, të gjitha cash. Numri i call center-ave dhe operatorëve arrinte në dhjetëra mijëra, duke krijuar një biznes kriminal që mund të llogaritet në qindra miliona euro në muaj.”
Luigi Pelazza (narracion):
“Pasi u përpoqëm të hynim në disa zyra, u ndeshëm me dyer të mbyllura dhe mungesë bashkëpunimi nga policia. Njëri nga informatorët u sulmua fizikisht nga persona të panjohur gjatë rrugës. Megjithatë, nuk u ndalëm dhe vazhduam të ndjekim gjurmët e call center-ave në të gjithë qytetin.”
Luigi Pelazza:
“Gjatë hetimit, informatorët na treguan se disa individë me lidhje politike, përfshirë një ish-deputet të Partisë Socialiste, janë përmendur si persona që mund të kenë pasur ndikim indirekt mbi mënyrën se si operonin disa prej call center-ave. Nuk ka prova që ata menaxhonin direkt aktivitetet, por përmenden në kontekst të mbulimit të disa praktikave të dyshimta financiare.”/ Zoom.al
Për investigimin e plotë klikoni KËTU
LEXO EDHE:
Spanja i rremben titujt Lionel Messi-t, Rodri shpallet lojtari i turneut në Kupën e Botës
