Xhevdet Troplini, i njohur me pseudonimin “Poja”, është një personazh i njohur në Durrës, i cili ka qenë subjekt i vëmendjes së autoriteteve për përfshirjen e tij të dyshuar në aktivitete kriminale dhe lidhjet me figura politike të larta.
Në vitin 2006, Troplini u arrestua dhe u dënua për trafik ndërkombëtar droge, në një linjë që përfshinte Turqinë, Shqipërinë dhe Italinë. Ai është përfshirë si i dyshuar edhe në disa ngjarje kriminale në Durrës, por në asnjë moment nuk është provuar fajësia e tij. Në vitin 2020, ai ishte subjekt i Operacionit Forca e Ligjit (OFL), i cili i kërkoi të justifikonte pasurinë e tij, përfshirë një makinë të blinduar tip “Jeep” që iu sekuestrua.
Emri i tij së fundmi është rikthyer fort në vëmendje, jo vetëm për shkak të akuzave të opozitës dhe kreut të saj, Sali Berisha, por edhe për shkak të operacionit “URA” të drejtuar nga Antimafia Italiane, Prokurori e Barit dhe SPAK.
Në dosjen italiane të operacionit “URA”, të siguruar nga Zoom.al, Xhevdet Troplini përmendet të paktën 38 herë dhe konsiderohet koka e bandës më të madhe të drogës në Durrës. Grupi i tij, thuhet në dosjen e Antimafias italiane, ka mbytur me drogë Italinë nëpërmjet portit të Durrësit, por edhe Gjermaninë nëpërmjet portit të Hamburgut. Aktiviteti i tij, thuhet në dosje, ka kulmuar në fillim të viteve 2000 me trafikun e heroinës nga Turqia, në Shqipëri e më pas në Itali.
Në vitin 2013 banda u foksua te trafiku i kokainës nga Amerika Latine, Ekuadori e Kolumbia në Shqipëri e disa vende te BE-së, për shkak të rënies së cmimi të heroinës.
Bashkëpunëtori i drejtësisë, vrasësi me pagesë Nuredin Dumani, thotë se “Poja” paguante rreth 150 persona për sigurinë e tij dhe familjes së tij.
Por edhe pse në dosjen italiane ai përmendet si kreu i grupit, as nga italianët dhe as nga SPAK nuk ka urdhër – arresti për të. Në dosjen e SPAK, të siguruar nga Zoom.al roli i tij është më i reduktuar.
Pjesë nga dosja:
Bashkëpunëtori: Grupi i Xhevdet Troplinit në vitet e fundit është bërë grupi kriminal më i madh, të paktën në Durrës.
Gjoni: Për?
Bashkëpunëtori: Për trafikun e kokainës dhe heroinës e pastaj për vrasjet. Jo vrasjet me pagesë.
Chimienti: Përpara thatë se ai ishte një negociator i madh i heroinës nga 2010 deri në 2013. Pse deri në 2013? Pastaj çfarë ka bërë?
Bashkëpunëtori: Pastaj në 2013 ka lënë heroinën dhe ka filluar me kokainën sepse nuk kishte shumë vlerë.
PJESE NGA DOSJA ITALIANE:
Në lidhje me kapacitetin kriminal të shoqatës që i atribuohet TROPLINI-t Xhevdetit, të quajtur “Poja”, DUMANI Nuredin tha se ishte një grup kriminal brutal, ndër më të fuqishmit që veprojnë në Shqipëri, hegjemonik prej disa vitesh tani në trafik ndërkombëtar droge dhe armësh, i aftë të veprojë jashtë vendit falë qëndrueshmërisë së degëve në Itali dhe Gjermani dhe kontaktet në Amerikën e Jugut: “Ka hyrë në tregti në një mënyrë të fuqishme, që nga viti 2010 (…) tani ata kontrollojnë të gjithë Durrësin! (…) Në
Gjermani, Itali. Në Hamburg ka pushtuar pothuajse të gjithë qytetin (…) Po flas për trafikun
e Kokainës (…) në Itali kishte mundësinë ta sillte atë në zonën e Kalabrisë. E sillte nga Kolumbia
P.M. DR. KARDINALET: Pra, Visi është numri 2, Poja është numri 1. Pastaj thatë se
Edhe Miri është pjesë e saj.
BASHKËPUNËTORI: “Po. Këta janë tre më të rëndësishmit e grupit.”
P.M. DR. KARDINALTËT: Ju thatë se ishte një grup që kishte armë.
BASHKËPUNËTORI: “Në sasi të mëdha!”
P.M. DR. KARDINALS: Dhe një grup që vepronte, sa kohë kishte që vepronte?
BASHKËPUNËTORI: “Ai hyri në tregti në një mënyrë të fuqishme që nga viti 2010
e tutje. Dua të them se ata u bënë të fortë sepse kanë punuar edhe më parë.”
P.M. DR. CARDINALI: A kishit ndonjë zonë që e kontrollonte këtë grup?
BASHKËPUNËTORI: “Tani po, tani ata kontrollojnë të gjithë Durrësin!
Jo më parë.”
Por çfarë dihet tjetër rreth Xhevdet Troplinit?
Akuzat e Berishës
Sali Berisha ka bërë akuza të forta ndaj Xhevdet Troplinit, të njohur si “Poja” i Durrësit, duke e lidhur atë me një incident të supozuar në burgun e Durrësit. Sipas Berishës, Troplini ka vizituar në mesnatë qelinë e kryebashkiakut të arrestuar të Tiranës, Erion Veliaj, me urdhër të kryeministrit Edi Rama. Berisha pretendon se kjo vizitë kishte për qëllim të kërcënonte Veliajn për të mos bashkëpunuar me drejtësinë dhe për të mos zbuluar informacione që mund të implikonin zyrtarë të lartë të qeverisë.
Pas operacionit “URA”, Berisha tha se Portin e Durrësit e kontrollon Troplini.
“Këtu unë para jush dhe në mënyrë të përsëritur kam deklaruar se Porti i Durrësit është shndërruar në portin e hyrjes më të madhe të kokainës në Europë. E kam deklaruar këtë pas faktesh dhe informacionesh të shumta që kam pasur. Sepse Porti i Durrësit u la jashtë çdo kontrolli. Pirro Vengu u lartësua në ministër dhe kontrollin e vërtetë të portit e kanë me 100 përqind vetëm Troplinët”, tha Berisha.
Visi i Pojës dhe Xhevdet Troplini
Elvis Doçi, i njohur si “Visi i Pojës” është nipi i Xhevdet Troplinit . Kjo lidhje familjare ka ndikuar në përfshirjen e Doçit në aktivitetet kriminale të drejtuara nga Troplini.
Ndërkohë, Xhevdet Troplini ka qenë subjekt i hetimeve për trafik droge dhe ka pasur përplasje me figura të tjera të botës së krimit, si Emiljano Shullazi . Lidhjet e tij me politikën janë përmendur në media, duke përfshirë takime me figura të njohura politike.
Visi i Pojës është një personazh i njohur për autoritetet shqiptare dhe ndërkombëtare si pjesë e një rrjeti të strukturuar kriminal që merrej me trafik ndërkombëtar të drogës, kryesisht drejt Italisë.
Ai është një nga emrat kryesorë të përfshirë në dosjen e operacionit “URA”, një nga goditjet më të mëdha të SPAK kundër krimit të organizuar në vitet e fundit. Pavarësisht pompozitetit të operacionit, kryesori i bandës, Visi i Pojës, i shpëtoi arrestimit.
Sipas hetimeve të SPAK, Elvis Doçi dyshohet se ka luajtur rol drejtues në organizimin e trafikut të kokainës dhe heroinës, duke përdorur korrierë për transportimin e lëndëve narkotike jashtë Shqipërisë.
Ndaj tij janë ngritur akuza të rënda si: Trafikimi i narkotikëve; pastrimi i produkteve të veprës penale, pjesëmarrje në grup të strukturuar kriminal, kryerje e veprave penale nga organizata kriminal.
Doçi ka qenë në vëzhgim prej kohësh dhe sipas burimeve, ka ndërtuar një rrjet të gjerë bashkëpunëtorësh në Shqipëri dhe Itali. Gjatë operacionit janë sekuestruar pasuri dhe prova materiale që lidhin aktivitetin e tij me krimin e organizuar.
Në dosje thuhet se ai njihej me nofkën “Kusho” dhe del në pah fakti që ai trafikonte kokainë me ton. Sipas përgjimeve të SPAK, Visi i Pojës është koka e bandës më të fuqishme të trafikut të drogës në Durrës.
Pjesë nga dosja:
Adi Coba i drejtohet Visit të Pojës dhe organizatës së tij për gjetjen dhe blerjen e lëndëve narkotike. PRESI shprehte vlerësimin e tij dhe për ata që ishin pjesë e saj, aq sa i vlerësonte ata si “djem të jashtëzakonshëm”, që dalloheshin për kapacitetin e tyre ekonomik.
“Të gjithë e dinë që Adi po punon me Visin e Pojës… ata janë djem të jashtëzakonshëm, e kupton? Duhet me thënë atë që është, kanë kapital, nuk mund t’iu thuash asgjë. Nuk janë të aksionit, harroje. Pastaj Bazholi (Adi-ship) i kanë ndodhur nja dy gjëra të rënda. Po të kishte qenë dikush tjetër… Unë atyre ju jap dorën se po të kishin qenë të tjerë do të më kishin zhdukur mua dhe BAZHOLI nga faqja e dheut.”
Bashkëpunëtori: Grupi i Xhevdet Troplinit në vitet e fundit është bërë grupi kriminal më i madh, të paktën në Durrës.
Gjoni: Për?
Bashkëpunëtori: Për trafikun e kokainës dhe heroinës e pastaj për vrasjet. Jo vrasjet me pagesë.
Chimienti: Përpara thatë se ai ishte një negociator i madh i heroinës nga 2010 deri në 2013. Pse deri në 2013? Pastaj çfarë ka bërë?
Bashkëpunëtori: Pastaj në 2013 ka lënë heroinën dhe ka filluar me kokainën sepse nuk kishte shumë vlerë.
Chimienti: Vetëm kokainë, por edhe heroinë?
Bashkëpunëtori” Jo, jo, për heroinën unë nuk kam dëgjuar më, por për kokainën po. Me ton.
Chimineti: Bën pjesë në grupin e Troplinit?
Bashkëpunëtori: Po, është numri dy.
Ochiogrosso: Si e quajnë Visin?
Bashkëpunëtori: Kusho me nofkën.
Chimiennti: Visi?
Bashkëpunëtori: Po, Visi. Miri më thoshte “do flas me kushuririn tim (shqip kusho)”, do shkoj të takoj Visin.
Chimienti: E kur thonte këtë e kishte fjalën për Visi?
Bashkëpunëtori: Visi, Visi, gjithmonë Visi.
Chimienti: Okay. Po në grupin e Troplinit ai bënte… Ju keni thënë se grupi i Troplinit është bërë një nga grupet më të mëdha të heroinës dhe kokainës në Durrës.
Bashkëpunëtori: Edhe më shumë, po të paktën flas për Durrësin sepse aty jam i sigurtë.
Chimienti: Ti ke pasur marrëdhënie direkte me Visin?
Bashkëpunëtori: Po, kam pasur.
Chimienti: Në chat?
Bashkëpunëtori: Jo me chat, jo. Personalisht.
Ochiogrosso: Po ai njifet si Visi o edhe si Visi i Pojës?
Bashkëpunëtori: Të gjithë e quajnë Visi i Pojës.
Cardinali: Nuk ka persona të tjerë që quhen Visi i Pojës?
Bashkëpunëtori: Për një farë periudhe kisha menduar se mbiemri i tij ishte Poja.
Cardinali: Vetëm ai./ Zoom.al
Zbulohet data, kur do të kthehet Diaspora Shqiptare sërish në shesh për të protestuar
