Operacioni i koduar “URA”, i zhvilluar nga SPAK në bashkëpunim me autoritetet italiane dhe me vendim të Gjykatës së Posaçme kundër Korrupsionit dhe Krimit të Organizuar (GJKKO), ka çuar në goditjen e një prej rrjeteve më të mirëstrukturuara të trafikut ndërkombëtar të narkotikëve mes Shqipërisë dhe Italisë.
Sipas dosjes hetimore, janë lëshuar 29 masa sigurie për anëtarët e këtij grupi kriminal, ku figura qendrore rezulton të jetë Elvis Doçi, i njohur edhe si Visi i Pojës. Ai konsiderohet si garantuesi kryesor i trafikut të kokainës dhe heroinës drejt Italisë, duke përdorur një rrjet të gjerë korrierësh për të kaluar sasitë e drogës jashtë territorit shqiptar.
SPAK ka ngritur ndaj tij akuzat për katër vepra penale të rënda: Trafikimi i narkotikëve; Pastrimi i produkteve të veprës penale; Pjesëmarrja në grup të strukturuar kriminal, dh kryerja e veprave penale nga organizata kriminale.
Në dosje renditet edhe Indrit Tafili, i dyshuar për rol drejtues në këtë rrjet dhe përfshirje të drejtpërdrejtë në logjistikën e trafikut dhe pastrimin e parave. Edhe ndaj tij janë ngritur të njëjtat akuza si ndaj Doçit.
Nga 29 masat e sigurisë të firmosura nga GJKKO, deri më tani janë ekzekutuar 12 arrestime, ndërsa për të tjerët vijon puna për lokalizimin dhe kapjen e tyre. Grupi vepronte përmes një organizimi të mirëfilltë kriminal, me role të ndara qartë, nga sigurimi i lëndës narkotike, paketimi, transporti, rekrutimi i korrierëve, deri te transferimi i të ardhurave në Shqipëri përmes skemave të pastrimit të parave.
Hetimet janë kryer në bashkëpunim me autoritetet italiane, që kanë identifikuar disa dërgesa droge të kapura në territorin e tyre, si dhe kanë siguruar prova të rëndësishme për funksionimin e rrjetit./ Zoom.al
EMRAT:
Elvis Doçi (Visi i Pojës)
Indrit Tafili
Orget Shqevi
Artan Sulejmani
Orges Molla
Sueld Elezi
Ekil Nderjaku
Hasan Nderjaku
Altin Morina
Armand Tragaj
Rando Aliu
Musa Korça
Alfred Hysa
Altin Pjetri
Ligor Çombashi
Edmond Çupi
Naim Behluli
Edison Cukaj (Çukaj)
Serxhio Shkodra
Bexhed Mema
Emri Hysenaj
Artuar Shkoza
Sokol Istrefi
Ervin Zeqiri
Gezim Thartori
Ledio Bardhi
Juxhin Drazhi
Erind Lasku
