Dalin pamjet e aksidentit tragjik në Durrës, ku dy fëmijë të mitur humbën jetën, pasi u përplasën nga një makinë.
Një fëmijë tjetër është në gjendje të rëndë te spitali i Traumës në Tiranë.
Pamjet nga kamerat e sigurisë janë të rënda. Ato tregojnë momentin kur 57-vjeçari Nikoll Radaçi i merr para me makinë. Ai po e drejtonte mjetin në gjendje të dehur dhe po lëvizte me shumë shpejtësi.
Në momentin e aksidentit, fëmijët po luanin në trotuar. Ata ishin katër, por njëri prej tyre shpëtoi mrekullisht sepse u fsheh pas një biçiklete.
Pas përplasjes, shoferi del për pak sekonda nga makina, bërtet “Oo çfarë bëra” dhe më pas largohet nga vendi i ngjarjes.
Në video dëgjohen edhe britma e klithma të banorëve të tjerë të zonës, të cilët ishin dëshmitarë të tragjedisë.
Ata e përshkruajnë 57-vjeçarin si njeri problematik, që shpesh konsumonte alkool dhe bënte manovra të rrezikshme me makinë në rrugë. 57-vjeçari u arrestua pak minuta pas ngjarjes nga policia./ Zoom.al
Zbulohet data, kur do të kthehet Diaspora Shqiptare sërish në shesh për të protestuar
