Presidenti Bajram Begaj ka dekretuar emrat e 16 ministrave të rinj të kabinetit Rama 4.

Qeveria pritet të marrë votëbesimin në Kuvend në një seancë që mund të zgjasë dy ditë, të enjten dhe të premten, ndërsa më pas ministrat do të betohen mbi Kushtetutë në Presidencë.

Megjithatë, në dekretet e Presidentit mungon ministrja virtuale “Diella”, e cila konsiderohet si e para ministre virtuale në botë. Në nenin 2 të dekretit, përveç emërimit të kryeministrit Edi Rama, specifikohet se ai ushtron edhe përgjegjësinë për ngritjen dhe funksionimin e ministrit virtual të Inteligjencës Artificiale “Diella”.

Juristët kanë vënë në dukje mungesën e një dekreti të posaçëm për “Diellën”, duke e cilësuar këtë situatë si një tejkalim të kompetencave të kreut të shtetit.

Deri më tani nuk ka një përgjigje zyrtare nga Kryeministria për mënyrën se si do të funksionojë “Diella” dhe kur do të jetë operative.

Ministrat e dekretuar janë:

1. Belinda Balluku – Zëvendëskryeministre dhe Ministër i Infrastrukturës dhe Energjisë
2. Albana Koçiu – Ministër i Punëve të Brendshme
3. Elisa Spiropali – Ministër për Evropën dhe Punët e Jashtme
4. Petrit Malaj – Ministër i Financave
5. Blendi Gonxhja – Ministër i Turizmit, Kulturës dhe Sportit
6. Sofjan Jaupaj – Ministër i Mjedisit
7. Mirela Kumbaro Furxhi – Ministër i Arsimit
8. Evis Sala – Ministër i Shëndetësisë dhe Mirëqenies Sociale
9. Delina Ibrahimaj – Ministër i Ekonomisë dhe Inovacionit
10. Besfort Lamallari – Ministër i Drejtësisë
11. Pirro Vengu – Ministër i Mbrojtjes
12. Andis Salla – Ministër i Bujqësisë dhe Zhvillimit Rural
13. Ervin Demo – Ministër i Shtetit për Pushtetin Vendor
14. Majlinda Dhuka – Ministër Shteti dhe Kryenegociator
15. Adea Pirdeni – Ministër i Shtetit për Administratën Publike dhe Antikorrupsionin
16. Toni Gogu – Ministër i Shtetit për Marrëdhëniet me Parlamentin/ Zoom.al

Postime të lidhura

• 
  "Nami jashtë e p**** brenda"/ Komentuesit shpërthejnë ndaj Ramës për ministren Diella
• 
  Begaj pret Ramën në Presidencë që t'i miratojë qeverinë e re
• 
  Berisha: Dekreti i Begajt për Diellën, antikushtetues
• 
  ChatGPT i përgjigjet Ramës për "Ministren Diella": Si kali i Kaligulës, tallje dhe provokim politik. Ja ngjashmëritë
• 
  Diella: Risi teknologjike e Ramës apo projekt privat i Tony Blair?
• 
  EMRAT/ Kush do t'i drejtojë Komisionet parlamentare këtë 4-vjeçar
• 
  Kryetari u bë ministër Bujqësie/ Kush do ta drejtojë Bashkinë e Cërrikut?
• 
  “Teatri i Kukullave”, tallje dhe ironi nga ndjekësit ndaj Ramës e Diellës