Një aksident i rëndë u regjistrua pasditen e sotme në aksin rrugor Levan–Tepelenë, pranë zonës së Fratarit, ku janë përfshirë pesë mjete.

Sipas informacioneve paraprake, në mesin e automjeteve të aksidentuara ndodhej edhe një kamper me turistë të huaj. Nga përplasja kanë mbetur të lënduar tre persona, ndërsa dy prej tyre janë shtetas gjermanë.

Të plagosurit morën ndihmën e parë mjekësore dhe më pas dy prej tyre u transportuan drejt Tiranës për trajtim më të specializuar. Ata ndodhen jashtë rrezikut për jetën.

Paraprakisht dyshohet se një nga shkaqet kryesore të aksidentit ka qenë lëvizja me shpejtësi mbi normat e lejuara. Ndërkohë, qarkullimi në këtë segment rrugor u rëndua për disa minuta dhe më pas u normalizua./ Zoom.al

Postime të lidhura

• 
  Aksident i rëndë në Lushnjë! Makina përplaset me shtyllën e ndriçimit dhe përmbyset në rrugë, vdes 43-vjeçari (Pamjet)
• 
  Aksident në Vlorë, plagoset drejtuesi i motorit
• 
  Aksident në aksin Fier–Lushnjë, plagoset çifti që udhëtonte me motor
• 
  Dy mjete përplasen kokë më kokë në Kaninë, një nga shoferët mbeti i bllokuar brenda makinës! Detajet
• 
  Tentoi t’i ikte policisë, detaje nga vdekja e 43-vjeçarit në Lushnjë! Ç’ndodhi në Komisariat para aksidentit tragjik
• 
  Viktima e aksidentit në Lushnje, vëllai i zv.ministres së Mjedisit, 43-vjeçari tentoi t’i largohej policisë