Pas shoqërimeve të disa protestuesve gjatë tubimit të zhvilluar përpara Kuvendit, dhjetëra qytetarë u mblodhën më pas para Drejtorisë së Policisë së Tiranës për të kërkuar lirimin e tyre.
Protestuesit deklaruan se personat e ndaluar po merrnin pjesë në një protestë paqësore dhe kundërshtuan mënyrën se si, sipas tyre, u ndërhy nga forcat e policisë.
Mes të shoqëruarve, sipas organizatorëve të protestës, ndodhen edhe Dritan Goxhaj, aktori Shkëlqen Bushi dhe disa aktivistë të tjerë. Të pranishmit pretenduan se gjatë ndërhyrjes policore, disa protestues u tërhoqën me forcë, ndërsa kërkuan që autoritetet të lirojnë menjëherë të ndaluarit.
Gjatë grumbullimit përpara Drejtorisë së Policisë u dëgjuan thirrje dhe slogane kundër qeverisë dhe drejtuesve të saj, ndërsa pjesëmarrësit shprehën mbështetjen për protestuesit e arrestuar. Ata deklaruan se do të vijojnë qëndrimin para drejtorisë deri në momentin kur të ndalohet, sipas tyre, mbajtja në polici e aktivistëve./ Zoom.al
Dita e 31-të e tubimit në Tiranë! Protestuesit nisen nga sheshi për në Kryeministri
