Policia e Shtetit ka bërë publik planin e masave për ndeshjen miqësore Shqipëri–Luksemburg, që do të zhvillohet në orën 20:00 në stadiumin “Air Albania”.

Sipas njoftimit zyrtar, nga ora 17:00 e deri në përfundim të takimit do të ketë kufizime dhe bllokime të qarkullimit në disa akse rrugore pranë stadiumit.

Mes rrugëve të prekura nga masat është edhe Bulevardi “Dëshmorët e Kombit”, ku është paralajmëruar zhvillimi i protestës së shtatë lidhur me projektin në Zvërnec.

Autoritetet nuk kanë dhënë detaje shtesë mbi organizimin e tubimit, ndërsa mbetet për t’u parë nëse do të ketë përplasje mes efektivëve dhe protestuesve, njësoj siç ndodhi të mërkurën, kur bulevardi ishte i bllokuar për ndeshjen me Izraelin.

Rrugët që do të bllokohen:

• Bulevardi “Dëshmorët e Kombit”, nga hotel “Rogner” drejt sheshit “Nënë Tereza”

• Rruga “Papa Gjon Pali II”, te kryqëzimi i RTSH-së
• Rruga “Dervish Hima”, pranë Ambasadës së SHBA-së
• Rruga “Asim Zeneli”, pranë Ambasadës së SHBA-së
• Rruga “Themistokli Gërmenji”, në hyrje të saj
• Rruga “Ismail Qemali”, te kryqëzimi i RTSH-së
• Rruga “Lekë Dukagjini”, pranë ish-Gardës së Republikës, e rezervuar për mjetet e autorizuara nga FSHF
• Rruga “Abdyl Frashëri”, pranë kryqëzimit të Librit Universitar
• Sheshi “Willson”, ku qarkullimi do të devijohet drejt rrugës “Sami Frashëri” pak para përfundimit të ndeshjes./ Zoom.al

Postime të lidhura

• 
  Jo vetëm në Tiranë. Protesta edhe në Durrës, Vlorë, Korçë dhe Elbasan
• 
  Protesta shtrihet edhe në diasporë, shqiptarët në Londër dhe Milano dalin në shesh
• 
  Protestojnë edhe shqiptarët në Vjenë, kërkojnë dorëheqjen e Ramës
• 
  “Po të mos ishte Kushner, s’i rruhej kujt”, Rama i kthen protestat e Zvërnecit në sulm ndaj “armiqve” të Trump