SPAK ka dhënë konkluzionet përfundimtare për Altin Hajrin, ku ka kërkuar burgim të përjetshëm për të. Duhet thënë se Hajri po gjykohet në mungesë, pasi ndodhet në arrati.
Jan Prenga u rrëmbye mesditën e 17 janarit 2020 pranë banesës së tij, në rrugën “London” në Kamëz. Disa persona e dhunuan dhe e futën me forcë në një automjet, ndërsa 11 ditë hetime intensive e çuan policinë në një resort në Shijak, në pronësi të Altin Hajrit.
Për pengmarrjen uniformat blu arrestuan 4 persona: Olsi dhe Bajram Turja, si dhe Elton e Leonard Hajri; të gjithë nga Shijaku.
Sipas SPAK, rrëmbimi i Prengës erdhi për shkak të vjedhjes së një sasie kokainë të mbërritur nga Ekuadori në portin britanik Portsmouth./ Zoom.al
