Aktori Leonardo DiCaprio dhe Gigi Hadid, të cilët përfliten se janë në një lidhje, u panë bashkë këtë fundjavë në një festë për Halloween në Brooklyn Navy Yard. Sipas Page Six, ylli i “Titanic” dhemodelja mbërritën në festë së bashku me Bella Hadid si dhe supermodelen Irina Shayk.

Aktori u fotografua për herë të parë me modelen në shtator. Më vonë atë muaj, ylli i “Revenant” u pa në Milano në të njëjtën ditë që Hadid mori pjesë në sfilatën e modës Versace Pranverë/Verë 2023. Ai gjithashtu u fotografua në Paris më vonë duke lënë të njëjtin hotel ku ishte dhe Gigi.

Thashethemet për një romancë mes tyre nisën pak kohë pasi aktori i dha fund lidhjes me modelen Camila Morrone, vetëm pak kohë pasi ajo mbushi 25 vjeç. Lidhja e aktorit dhe Hadid, e cila është 27 vjeç, bëri bujë dhe për faktin se Leo theu “rregullin” që ka ndjekur prej vitesh për të dalë me vajza nën 25.