Kryeministri Edi Rama shkaktoi zemërim të gjerë, pasi i quajti (veçanërisht) burrat dibranë “çyrykë”, gjatë një takimi elektoral atje.
Jo vetëm që nuk u tërhoq nga deklarata në fjalë, por pasditen e së premtes, kreu i qeverisë u rikthye në Dibër me një show të pompuar dhe absurd.
Në mitingun e Ramës u shfaq reperi Noizy me një makinë luksoze Lamborghini, duke shkaktuar akoma më shumë indinjatë e zemërim.
Është parë e pakuptimtë arsyesja përse Noizy mbërriti me Lamborghini në një prej zonave më të varfra të vendit, duke bërë që rrjeti të shpërthejë në komente:
“Njerëzit mezi kalojnë muajin, këta shkojnë i shesin pordhë me makina 200-300 mijë euro,”- shkruan një qytetar.
Të tjerë kanë ngritur pikëpyetje se përse u zgjodh pikërisht Noizy të ishte kryefjala e takimit të djeshëm, kur në fakt zona ka njerëz intelektualë që mund të ishin ftuar në miting.
View this post on Instagram
