Projekti vjen i realizuar në pesë pjesë dhe fokusohet tek kafshët e egra në mbarë botën. Lajmi u bë i ditur në shkurt të këtij viti, megjithëse në njoftim nuk përmendej se ish-presidenti do të shërbente si narrator i tij. Ai është pjesë e një programi që Barack dhe Michelle Obama po  prodhojnë për Netflixin, përmes kompanisë së tyre “Higher Ground Productions”.

Portali “Deadline” raporton se dokumentari “Our Great National Parks”, do të përfshijë pamje të xhiruara në parqet në Gjirin e Monterey në Kaliforni, Parkun Kombëtar “Tsavo” në Kenia dhe Parkun Kombëtar “Gunung Leuser” që gjendet në pyjet tropikale të Indonezisë.

Në vitin 2018, çifti Obama nënshkroi marrëveshje disa vjeçare me platformën e famshme Netflix, me synim e vetëm për ta krijuar një përzierje të larmishme përmbajtjesh.

Përveç projektit të fundit, kjo kompani ia ka sjell platformës gjigante edhe serialet për fëmijë, “Ada Twist, Scientist” dhe “Waffles + Mochi”, dokumentarin e shpërblyer me “Oscar” të titulluar “American Factory”, filmin “Crip Camp: A Disability Revolution” etj. Dokumentari pesë episodesh, “Our Great National Parks”, debuton në Netflix më 13 prill të këtij viti./L.K

/Zoom.al