Një 49-vjeçar nga Tirana është ndaluar nga policia pasi kishte shfrytëzuar një leje të përkohshme nga burgu dhe nuk ishte rikthyer në institucionin e vuajtjes së dënimit brenda afatit të përcaktuar.
Sipas të dhënave zyrtare, shtetasi me inicialet E.M. ishte përfitues i një lejeje shpërblyese gjatë vitit 2024, ndërsa vuante dënimin për “vrasje e mbetur në tentativë”. Pas përfundimit të lejes, ai nuk u paraqit më në burgun e Rrogozhinës, duke u shpallur në kërkim.
Policia nisi menjëherë kërkimet dhe arriti ta lokalizojë dhe ta kapë sërish të dyshuarin. Pas arrestimit, ai u shoqërua dhe u dërgua në institucionin e vuajtjes së dënimit për të vijuar pjesën e mbetur të dënimit të tij.
