Policia ka arrestuar Dardan Krivaqën, të dyshuarin kryesor për vrasjes e 18-vjecares, Marigona Osmani në Ferizaj të Kosovës.
Lajmin e ka konfirmuar para disa personave që po protestonin në Ferizaj, një zyrtar i policisë së Kosovës.
“Para dy tre minutash kemi marrë konfirmimin se Dardan Krivaqa është arrestuar në Ferizaj”, tha ai.
“Njësitet policore janë në terren, janë duke e sjellë në polici, është arrestuar në territorin e Ferizajt në një fshat, pas pak dalim me komunikatë për shtyp”.
Dardan Krivaqa është i dyshuari kryesor për vrasjen e 18-vjeçares, që të dielën është dërguar pa shenja jete në emergjencën e Ferizajt.
I arrestuar si i dyshuar për këtë rast është edhe Arbër Sejdiu që është arrestuar dy ditë më parë.
Varrimi i të ndjerës do të bëhet sot. Ndërkaq, babai i saj ka bërë të ditur se bija e tij ishte e frikësuar nga Krivaqa dhe nuk kishte guxuar t’ju tregonte për telashet që kishin pasur.
Dhunohet Polici i Rrugores në Shkodër, goditet me sende të forta jashtë orarit të punës
