Ata vazhduan lidhjen e tyre edhe për pak vite pas përfundimit të reality show-t, por më pas zbuluan se nuk ishin më bashkë.

Fatkeqësisht, Adela u nda nga jeta në vitin 2017 për shkak të një ataku kardiak.

Së fundmi, Bjordi ka qenë i ftuar në “Natën me Aulonën” ku dhe ka folur më shumë për Adelën.

“Unë dhe Adela kishim vite që ishim ndarë kur ndodhi ajo që ndodhi dhe rrugët tona ishin ndarë, ishim dy njerëz që kishim ndarë një pjesë të mirë të jetës bashkë, ishim shumë të rinj dhe gjërat ndryshojnë, por po normalisht që e kujtoj shpesh, ka qenë shumë e rëndësishme, ishte një vajzë fantastike dhe nuk e mohoj dot”, tha regjisori.

Nga ana tjetër ai preferoi që të mos e komentonte marrëdhënien e tij aktuale, duke thënë se është e komplikuar.