Ka nisur këtë të martë procesi i intervistimit për 14 kandidatët që janë në garë për postin e Drejtorit të Përgjithshëm të Policisë së Shtetit, pas largimit nga detyra të Ilir Proda.
Intervistat po zhvillohen sipas rendit alfabetik të kandidatëve, ndërsa i pari që është paraqitur ka qenë Afrim Tafa, aktualisht drejtor i Policisë së Durrësit.
Ky proces konsiderohet një nga fazat kyçe në përzgjedhjen e drejtuesit të ri të Policisë së Shtetit, ndërkohë që në vijim pritet të intervistohen edhe kandidatët e tjerë pjesë e garës.
Lista e kandidatëve:
1-Afrim Tafa
2-Alfred Çepe
3-Arjanit Arapi
4-Elidon Çela
5-Gentian Berberi
6-Gentjan Shehaj
7-Idajet Faskaj
8-Lorenc Panganika
9-Neritan Nallbati
10-Pëllumb Seferi
11-Rebani Jaupi
12-Saimir Boshnjaku
13-Skënder Hita
14-Tonin Vocaj
Ish-kreu i Policisë Ilir Proda qëndroi në këtë detyrë 17 muaj. Ai u largua pas protestës së 28 shkurtit, për shkak se nuk arriti të garantonte rendin dhe sigurinë, pasi protestuesit e opozitës arritën të hyjnë në ‘zemrën’ e qytetit, në zonën e ish-Bllokut dhe goditën me molotovë vilën e ish-diktatorit Enver Hoxha, brenda së cilës gjendeshin disa artistë të huaj.
Deri në zgjedhjen e drejtorit të ri, në detyrë është komanduar zëvendësdrejtori Sokol Bizhga.
Spanja i rremben titujt Lionel Messi-t, Rodri shpallet lojtari i turneut në Kupën e Botës
