Shpat Kasapi do ishte pjesë e shtëpisë së Big Brother VIP Albania në këtë edicion të pestë.
Këtë e konfirmoi vëllai i tij, Albini, i cili u shpreh i tronditur nga lajmi për ndarjen e tij nga jeta.
Sipas tij, Shpati mezi e priste pjesëmarrjen në spektaklin e Big Brother VIP, duke shtuar se nuk ka pasur më parë probleme serioze me zemrën dhe se gjithçka ndodhi papritur.
“E kishte me qejf, e pranoi me entuziazëm këtë lajm nuk di çfarë të them më tutje, jemi të shokuar, jemi të dëshpëruar. Të gjithë jemi të tronditur. Ishte shumë i gëzuar për projektet që kishte përpara. Nuk e besonim lajmin kur na erdhi nga Italia”, u shpreh Albini.
Këngëtari Shpat Kasapi u nda nga jeta në moshën 40-vjeçare. Lajmi i rëndë i mbërriti familjes mbrëmjen e së martës, ndërsa ai ndodhej në Itali së bashku me bashkëshorten dhe djalin e tyre të vogël, ku kishin shkuar për një kontroll mjekësor për fëmijën.
Ndihma mjekësore Shpatit i është ofruar menjëherë në banesë, por mjekët nuk kanë arritur ta shpëtojnë nga arresti kardiak.
Trupi i tij ndodhet ende në Itali dhe pritet të kryhen procedurat për sjelljen në vendlindje./ Zoom.al
Identifikohen viktimat e aksidentit në Sauk, të dy shtetas të huaj
