Një emigrant shqiptar ka humbur jetën pas një aksidenti rrugor në Peloponez të Greqisë.
Viktima është 55-vjeçari Fatmir Dyrmishi, i cili sipas mediave greke po udhëtonte me biçikletë në zonën e Pirgos Ilias kur u përfshi në përplasje me një kamion.
Raportohet se aksidenti ndodhi pranë një kryqëzimi në hyrje të qytetit. Përplasja ka qenë shumë e fortë dhe shqiptari ka marrë dëmtime të rënda trupore.
Menjëherë pas ngjarjes ai u dërgua me urgjencë në spital, por mjekët nuk mundën t’i shpëtonin jetën.
Autoritetet greke kanë nisur hetimet për të përcaktuar shkakun e aksidentit dhe për të sqaruar dinamikën e plotë të ngjarjes. Ndërkohë, drejtuesi i kamionit është marrë në pyetje nga policia në kuadër të procedurave hetimore.
Trupi i pajetë i 55-vjeçarit është transportuar në morgun e spitalit./ Zoom.al
