Ylli i Norvegjisë, Erling Haaland, ishte protagonisti absolut i fitores ndaj Brazilit, duke realizuar dy gola që i siguruan kombëtares kualifikimin në çerekfinalet e FIFA World Cup.
Pas ndeshjes në Neë Jersey, festimet vazhduan në dhomën e zhveshjes, ku futbollistët morën një vizitë të veçantë nga Princesha Ingrid Alexandra dhe vëllai i saj, Princi Sverre Magnus. Princesha përshëndeti një nga një lojtarët dhe përqafoi ngrohtësisht Haaland, i cili në atë moment festonte me shokët e skuadrës.
22-vjeçarja, e cila është e dyta në radhën e trashëgimisë së fronit norvegjez dhe pritet të bëhet monarkja e parë femër e vendit pas më shumë se gjashtë shekujsh, mori pjesë në turne pasi zëvendësoi të atin, Haakon, Crown Prince of Norway. Ky i fundit anuloi udhëtimin për shkak se bashkëshortja e tij, Mette-Marit, iu nënshtrua një ndërhyrjeje kirurgjikale.
Vizita në Kupën e Botës ishte gjithashtu paraqitja e parë zyrtare publike e Princeshës Ingrid Alexandra që pas operacionit të nënës së saj.
Në fushë, Haaland vazhdoi formën e jashtëzakonshme, duke çuar në shtatë numrin e golave në turne dhe duke barazuar Lionel Messi dhe Kylian Mbappé në garën për “Këpucën e Artë”.
“Zakonisht, nëse kam një ose dy raste, ato përfundojnë me gola. Nuk e di si e bëj, por gjithçka ka të bëjë me përqendrimin. Mendoj se është një dhuratë nga Zoti”, u shpreh sulmuesi norvegjez pas ndeshjes.
Ai u bëri gjithashtu thirrje të rinjve norvegjezë të ëndërrojnë të përfaqësojnë kombëtaren, duke theksuar se të luash për Norvegjinë është krenaria më e madhe për një futbollist.
Norvegjia do të përballet të shtunën me Anglinë në çerekfinalen që do të zhvillohet në Miami, me synimin për të vazhduar rrugëtimin historik në turne.
Adelajda Roka, garancia e “çunave tanë” në kullat e drogës. Si funksionon “sistemi 2R” në ndërtim
