Familja e Martin Canit ka reaguar pas deklaratës së kryeministrit Edi Rama lidhur me vdekjen e të birit të tyre, të bërë gjatë prezantimit të projektit “Smart City”, ku u shpreh se nuk e ka harruar tragjedinë që i mori jetën adoleshentit dhe se projekti për sigurinë në shkolla është përgjigjja institucionale ndaj asaj ngjarjeje.
“Sot, të gjithë e kanë harruar vrasjen tragjike… Unë nuk e kam harruar, sepse e kujtoj përditë duke ndjekur pikërisht këtë projekt, që është përgjigjja ime dhe përgjigjja jonë ndaj asaj tragjedie”, deklaroi kryeministri.
Pas kësaj deklarate, familja e 14-vjeçarit Martin Cani publikoi një reagim të ashpër, ku shpreh “indinjatë të thellë” për mënyrën se si, sipas tyre, kryeministri vijon të përdorë emrin e djalit të tyre për qëllime politike dhe propagandistike, ndërsa shmang përgjegjësitë reale të institucioneve.
Sipas familjes, pavarësisht mbylljes së TikTok, rastet e vrasjeve të të miturve kanë vijuar, çka, sipas saj, tregon se problemi nuk lidhet me rrjetet sociale, por me dështimin e sistemit arsimor, mungesën e sigurisë në shkolla dhe përgjegjësinë institucionale.
Familja kundërshton edhe projektin për vendosjen e kamerave në shkolla, duke argumentuar se ato nuk parandalojnë dhunën, nuk zëvendësojnë psikologët, nuk zgjidhin mungesën e sigurisë dhe nuk do të shpëtojnë jetë pa masa reale.
Në reagim thuhet gjithashtu se, megjithëse kryeministri deklaron se mendon vazhdimisht për Martinin, ai nuk ka takuar asnjëherë familjen, nuk ka ofruar mbështetje institucionale dhe nuk ka kërkuar falje për dështimet e sistemit.
Në deklaratë kritikohen gjithashtu organet ligjzbatuese për administrimin e provave dhe kërkohet përfundimi sa më i shpejtë i hetimeve për përgjegjësinë e shkollës “Fan Noli” dhe të sistemit shëndetësor.
Në fund, familja thekson se Martini “nuk ishte slogan politik, nuk ishte pretekst për censurë dhe nuk ishte justifikim për kamera”, por një fëmijë që meritonte të jetonte.
Deklarata e plotë:
Familja Cani shpreh indinjatën e saj të thellë për mënyrën se si Kryeministri Rama vazhdon të përdorë emrin e djalit tonë, Martin Cani, për qëllime politike dhe propagandistike, duke shmangur përgjegjësitë reale të institucioneve që dështuan ta mbronin.
Edhe sot, në fjalimin e tij publik, Kryeministri deklaroi se: “Prindërit duhet të ndihen të lehtësuar… qeveria është ndryshe nga si përshkruhet në kanalet sociale.” Por ndërkohë, realiteti është krejt tjetër: fëmijët vazhdojnë të vriten, institucionet vazhdojnë të dështojnë dhe tragjeditë nuk po ndalen.
Pavarësisht mbylljes së TikTok, të cilën qeveria e përdori si justifikim politik pas vrasjes së Martinit, realiteti është i qartë:
Këto tragjedi tregojnë se rrjetet sociale nuk janë shkaku i vrasjeve, por dështimi i sistemit arsimor, mungesa e sigurisë në shkolla dhe papërgjegjshmëria institucionale.
Kryeministri foli sot për “smart city në shkolla” dhe për vendosjen e kamerave, duke thënë se: “Algoritmi është një trup që bën atë që thotë.”
Por kamerat:
Siguria në shkolla kërkon veprime, jo pajisje teknologjike për propagandë.
Nëse Kryeministri mendon vërtet për Martinin:
Fjalët nuk mjaftojnë. Ne kemi parë vetëm heshtje, shmangie dhe përdorim politik të tragjedisë sonë.
Martini vdiq sepse:
Kjo pajisje kushton më pak se një makinë qeveritare, por ende nuk është blerë.
Sa fëmijë të tjerë duhet të vdesin që qeveria të kuptojë se pajisjet shpëtojnë jetë, jo kamerat?
Kur u përmend emri i Martinit në Kuvend:
Kryeministri nuk tha asnjë fjalë. Asnjë distancim. Asnjë ndëshkim. Asnjë ndjesë.
A është ky respekti që ai pretendon se ka për djalin tonë?
Nëse policia do të kishte vepruar siç duhet:
Kjo është dëshmi e qartë e dështimit të strukturave të rendit.
Në vend që të politizojë tragjedinë e Martinit:
18 muaj hetim pa përgjigje është turp institucional.
Ne nuk do të heshtim
Martini nuk ishte slogan politik. Martini nuk ishte pretekst për censurë. Martini nuk ishte justifikim për kamera.
Martini ishte një fëmijë i mirë, një futbollist me ëndrra, një djalë që meritonte të jetonte.
Ne kërkojmë:
Familja Cani
Tiranë, 17.07.2026
