Familja e Martin Canit ka reaguar pas vendimit të gjykatës që dënoi me 16 vite burg Mario Përlleshajn, autorin e ngjarjes ku humbi jetën djali i tyre.
Ata thonë se ky është rasti i parë ku kanë ndjerë se drejtësia ka folur qartë.
Në deklaratën e tyre, familjarët shprehen se edhe pse vendimi nuk mund ta rikthejë Martin Canin, ai i bëri të ndihen të respektuar dhe se dhimbja e tyre u mor seriozisht.
Sipas tyre, gjykata tregoi profesionalizëm duke mos ndjekur rekomandimin e Prokurorisë për ta konsideruar ngjarjen si një vepër të vetme penale, por duke e ndarë atë në dy vepra të ndryshme: vrasjen e Martinit dhe tentativën për vrasje ndaj Luisit./ Zoom.al
Deklarata e familjes:
Sot, pas një viti dhimbjeje që nuk përshkruhet me fjalë, ne — familja e Martin Canit — kemi parë për herë të parë një rreze të fortë drejtësie.
Gjykata vendosi të mos ndjekë rekomandimin e Prokurorisë, e cila e trajtoi ngjarjen si një vepër të vetme penale por e njohu qartë atë që ne e kemi thënë që në ditën e parë: janë DY vepra penale — vrasja e Martinit dhe tentativë vrasje ndaj Luisit.
Ky vendim është një akt kurajoz, profesional dhe i drejtë.
Është një vlerësim real i asaj që ndodhi: dy fëmijë të goditur me thikë, dy akte të veçanta dhune, dy qëllime kriminale të ndara.
I falenderojmë gjyqtarët për integritetin dhe ndershmërinë e tyre, që zgjodhën të shohin të vërtetën dhe jo rrugën më të lehtë procedurale.
Ky vendim nuk na e kthen dot Martinin, por na jep një ndjenjë të thellë se dhimbja jonë nuk u shpërfill dhe se jeta e tij u trajtua me peshën dhe dinjitetin që meriton.
Sot, Martini është më i gjallë se kurrë në ndërgjegjen e shoqërisë.
Ne do të vazhdojmë misionin tone me:
Falënderojmë të gjithë qytetarët që kanë qëndruar pranë nesh.
Sot, drejtësia foli me zë të qartë për Martin Canin.
