Një palë atlete të bardha të kryeministrit Edi Rama u kthyen në një nga detajet më të komentuara në samitin e NATO-s në Ankara.

Gjatë fotos familjare të liderëve të Aleancës, veshja e Ramës, kostumi zyrtar i kombinuar me atlete të bardha, tërhoqi vëmendjen e kamerave.

Në një moment gjatë eventit, Sekretari i Përgjithshëm i NATO-s, Mark Rutte, u pa duke i drejtuar vëmendjen presidentit amerikan Donald Trump te atletet e kryeministrit shqiptar, në një shkëmbim që u interpretua si një moment humori mes liderëve.

Por çfarë ra në sy tjetër ishte reagimi injorues i Donald Trump. Ky i fundit vetëm i hodhi një shikim dhe nuk i dha rëndësi veshjes së kryeministrit, i cili vazhdimisht është përpjekur të tërheqë vëmendjen me atletet e tij, por këtë herë pa sukses.

Rama ka zgjedhur edhe më herët të shfaqet në skena ndërkombëtare me një stil të pazakontë për protokollin klasik diplomatik, duke e kthyer veshjen në një pjesë të identitetit të tij publik./ Zoom.al

Postime të lidhura

• 
  Shqipëria do të mirëpresë samitin e radhës të NATO-s
• 
  Trump: Aleatët e NATO-s i vura në provë në luftën ndaj Iranit