Kandidati i Partisë Demokratike në qarkun e Dibrës, Xhelal Mziu, ka deklaruar se është shumë e vështirë për forcën që ai përfaqëson të sigurojë mandatin e tretë në këtë qark.

Në një prononcim për mediat, Mziu u shpreh se rezultati nuk i ka befasuar demokratët, por theksoi se procesi është shoqëruar me parregullsi dhe presione mbi votuesit.

“Ne kemi qenë të përgatitur për rezultatin, por flas për kushte normale. Jemi përplasur me makina të pafundme në lagje. Po rrezikohet vota e qytetarëve. Shanset për mandatin e tretë janë minimale. Tentojmë për ta kapur të tretin, por më duket i paarritshëm”, tha Xhelal Mziu.

Sipas të dhënave të deritanishme nga KQZ, në Dibër Partia Socialiste kryeson me 3 mandate, ndërsa Partia Demokratike ka siguruar 2./ Zoom.al

Postime të lidhura

• 
  A do e pranoni rezultatin e zgjedhjeve nëse njihen nga ndërkombëtarët? Përgjigjet Berisha
• 
  Janë në listë të mbyllur/ Dy kandidatë të PD rrezikojnë të mos marrin mandat
• 
  Numërimi i votave/ Kush kryeson në Qarkun e Durrësit?
• 
  OSBE raport për zgjedhjet: PS përfitoi nga burimet shtetërore, kandidatë të tjerë në disavantazh
• 
  PD siguron 14 mandate në Tiranë, Ilir Meta del jashtë loje?
• 
  Shifrat për Qarkun e Tiranës/ Sa mandate marrin PS e PD deri tani