Protesta e zhvilluar këtë të martë para Kuvendit u zhvendos më pas përpara Drejtorisë së Përgjithshme të Policisë, pasi disa pjesëmarrës u shoqëruan nga forcat e rendit gjatë tensioneve të krijuara pranë Parlamentit.
Mes personave të shoqëruar ishte edhe Dritan Goxhaj, i cili u dërgua në komisariat nën masa sigurie. Pas këtij veprimi, protestuesit u organizuan dhe marshuan drejt Drejtorisë së Policisë, ku kërkuan lirimin e menjëhershëm të të ndaluarve.
Pasi mbërritën para institucionit, një pjesë e protestuesve u ulën në rrugë, duke bllokuar qarkullimin në atë segment. Gjatë tubimit, ata përsëritën kërkesën për lirimin e personave të shoqëruar dhe u bënë thirrje qytetarëve t’u bashkoheshin në protestë.
Organizatorët deklaruan se nuk do të prisnin orarin e parashikuar të protestës së mbrëmjes, por kërkuan që grumbullimi dhe marshimi të nisnin menjëherë nga ambientet përpara Drejtorisë së Policisë./ Zoom.al
Dita e 31-të e tubimit në Tiranë! Protestuesit nisen nga sheshi për në Kryeministri
