Roan Brahimi, një person me një të kaluar kriminale, kishte dy bashkëshorte, një në Shqipëri dhe një tjetër në Greqi, me të cilat kishte fëmijë.
Jeta e tij personale u zbulua pasi ai u ekzekutua në Athinë, ku ishte i shoqëruar nga gruaja dhe djali i tij i mitur, të cilët shpëtuan pa lëndime.
Ai u qëllua për vdekje nga dy persona që iu afruan me motor, kur ai ndodhej në makinë me gruan dhe djalin e tij të mitur.
Ai kishte shkuar në Greqi për të festuar Pashkët me familjen e tij, ndërsa gruaja tjetër e priste në Shqipëri.
Hetimet sugjerojnë se atentati mund të ketë qenë një akt hakmarrjeje për veprime të mëparshme kriminale, pasi Brahimi kishte qenë i përfshirë në konflikte të armatosura dhe vrasje gjatë viteve të fundit.
Në vitin 2022, Brahimi dyshohej gjithashtu të ishte përfshirë në vrasjen e Brilant Martinajt dhe dy shokëve të tij në Fushë-Krujë. Për këto ngjarje, ai ishte shpallur në kërkim nga policia shqiptare. Pas këtyre ngjarjeve, Brahimi u largua nga Shqipëria për t’i shpëtuar drejtësisë dhe hakmarrjes së mundshme, duke u strehuar në Emiratet e Bashkuara, dhe më pas në Greqi.
Babai i Roan Brahimit, Gjovalin Prendi u vra me breshëri plumbash në biznesin e tij në Pllanë, ku prezentë ishin edhe familjarë./ Zoom.al
