Një ngjarje e rëndë është regjistruar mbrëmjen e së dielës në fshatin Majac të Podujevës, ku një 45-vjeçar nga Obiliqi dyshohet se është vrarë nga një 31-vjeçare, me të cilën dyshohet se kishte një lidhje intime.

Sipas burimeve, çifti kishte pasur probleme në marrëdhënie dhe ishte drejt ndarjes. Në këto rrethana, Ardita Gashi dyshohet se e ka ftuar 45-vjeçarin Ilaz Brahimi në banesën e saj, ku më pas ka qëlluar disa herë me armë zjarri në drejtim të tij, duke i shkaktuar vdekjen.

Pas të shtënave, në vendngjarje ka mbërritur një familjare e autores së dyshuar, saktësisht gruaja e xhaxhait, Miradije Gashi, e cila gjithashtu ka mbetur e plagosur. Më pas, e dyshuara është izoluar në banesë dhe ka kërcënuar persona të tjerë që tentuan t’i afroheshin.

Policia ka ndërhyrë për neutralizimin e situatës, ndërsa e dyshuara është shoqëruar për trajtim mjekësor. Dy të plagosurat janë dërguar në Qendrën Klinike Universitare të Kosovës në gjendje të rëndë./ Zoom.al

Postime të lidhura

• 
  Thellohet tragjedia/ Shkon në 3 numri i viktimave në Podujevë. Ndërron jetë edhe 31-vjeçarja
• 
  Të shtëna me armë në Podujevë! Vritet një burrë, plagosen dy gra
• 
  Të shtëna me armë zjarri, 4 persona të plagosur
• 
  “Ik se të vrava dhe ty”/ Zbulohen detajet nga ngjarja me tre viktima në Kosovë