Grupi i Këshilltarëve Bashkiakë të Opozitës në Bashkinë Tiranë në një letër drejtuar Këshillit të Evropës kanë akuzuar kryeministrin Edi Rama se ka uzurpuar Bashkinë e Tiranës.

Këshilltarët e opozitës shprehen se kreu i PS-së ka cënuar autonomia e pushtetit vendor, si edhe ka margjinalizuar roli i Këshillit Bashkiak, duke i shmangur nga vendimarrja.

“Pas vendimit të gjykatës për arrestimin e Kryetarit të Bashkisë Tiranë, z. Erion Veliaj, kemi vërejtur një ndërhyrje të paprecedentë dhe të paligjshme nga ana e Kryeministrit të Shqipërisë, z. Edi Rama, në punët administrative dhe vendimmarrjen e Bashkisë Tiranë”, shkruhet në letër.

Ndërsa theksohet: “Ka shenja të qarta se ky kontroll i paligjshëm mbi Bashkinë Tiranë po përdoret për përfitime politike dhe ekonomike, duke përfshirë dhënien e lejeve të ndërtimit në mënyrë të dyshimtë dhe instrumentalizimin e administratës për zgjedhjet parlamentare të 11 majit 2024”.

Ata i bënë thirrje institucioneve ligjzbatuese hetimojnë për çdo rast korrupsioni dhe intimidimi të administratës, si edhe të ndërhyjnë për të mbrojtur standardet demokratike në pushtetin vendor në Shqipëri.

Letra drejtuar Këshillit të Evropës:

Qëndrimi i Grupit të Këshilltarëve Bashkiakë të Opozitës në Bashkinë Tiranë

Drejtuar Kongresit të Autoriteteve Lokale dhe Rajonale të Këshillit të Evropës

Në dijeni të Sekretarit të Përgjithshëm, z. Mathieu Mori

Të nderuar anëtarë të Kongresit të Autoriteteve Lokale dhe Rajonale të Këshillit të Evropës,

Ne, grupi i këshilltarëve bashkiakë të opozitës në Bashkinë Tiranë, dëshirojmë t’ju informojmë mbi një situatë tejet shqetësuese që po ndodh në qeverisjen vendore në Tiranë dhe që bie në kundërshtim me parimet themelore të Kartës Evropiane të Autonomisë Vendore.

Pas vendimit të gjykatës për arrestimin e Kryetarit të Bashkisë Tiranë, z. Erion Veliaj, kemi vërejtur një ndërhyrje të paprecedentë dhe të paligjshme nga ana e Kryeministrit të Shqipërisë, z. Edi Rama, në punët administrative dhe vendimmarrjen e Bashkisë Tiranë. Në vend që Këshilli Bashkiak dhe institucionet e qeverisjes vendore të ushtrojnë funksionet e tyre në përputhje me Kushtetutën dhe ligjin, bashkia është vënë nën kontrollin e drejtpërdrejtë të ekzekutivit qendror.

Në këtë kontekst, vërejmë:

1. Cenimin e autonomisë vendore – Neni 3 i Kartës Evropiane të Autonomisë Vendore përcakton qartë se autoritetet vendore duhet të jenë të lira nga ndërhyrjet e paligjshme të qeverisë qendrore. Megjithatë, veprimet e Kryeministrit tregojnë një kapje politike të institucioneve vendore.
2. Margjinalizimin e Këshillit Bashkiak – Pavarësisht se Këshilli Bashkiak është organi më i lartë përfaqësues në nivel vendor, ai është anashkaluar dhe nuk po ushtrohet roli i tij kushtetues dhe ligjor.
3. Manipulimin politik të administratës dhe burimeve publike – Ka shenja të qarta se ky kontroll i paligjshëm mbi Bashkinë Tiranë po përdoret për përfitime politike dhe ekonomike, duke përfshirë dhënien e lejeve të ndërtimit në mënyrë të dyshimtë dhe instrumentalizimin e administratës për zgjedhjet parlamentare të 11 majit 2024.

Për këto arsye, ne:

• Dënojmë fuqimisht ndërhyrjet e Kryeministrit në administrimin e Bashkisë Tiranë, të cilat janë në kundërshtim me standardet demokratike dhe parimet e qeverisjes së mirë.
• Inkurajojmë institucionet e drejtësisë që të vijojnë hetimet mbi çdo rast të korrupsionit dhe shkeljes ligjore të lidhur me administratën e bashkisë.
• Kërkojmë një distancim të menjëhershëm të qeverisë qendrore nga vendimmarrja në Bashkinë Tiranë dhe kthimin e autonomisë së saj tek organet legjitime të qeverisjes vendore.
• Bëjmë thirrje këshilltarëve bashkiakë të të gjitha forcave politike të mbajnë qëndrime të pavarura dhe të ushtrojnë funksionet e tyre në interes të qytetarëve të Tiranës.

Autonomia vendore dhe sundimi i ligjit janë themeli i një demokracie funksionale. Ndaj, kërkojmë nga Kongresi i Autoriteteve Lokale dhe Rajonale i Këshillit të Evropës që të shqyrtojë këtë situatë dhe të ndërmarrë hapa për mbrojtjen e standardeve demokratike në nivel vendor në Shqipëri.

Me respekt,

Grupi i Këshilltarëve Bashkiakë të Opozitës në Bashkinë Tiranë

Postime të lidhura

• 
  "Erjon Veliaj kontraktoi avokat amerikan me 2000 USD ora e punës"
• 
  Ahmetaj mbron Veliajn nga arratia: Arrestimi i tij, mesjetar. Balluku, instrumenti i korrupsionit
• 
  Berisha: Në bashki kanë nisur të thërrasin
• 
  Berisha: Rama ka ndërhyrë brutalisht në punët e bashkisë
• 
  Der Standard: Kryeministri shqiptar Edi Rama sulmon sundimin e ligjit dhe kushtetutën në vendin e tij
• 
  Edi Rama “de facto” kryebashkiak i Tiranës! Mbledh administratën e Bashkisë në sheshin “Skënderbej”
• 
  Erion Veliaj braktiset nga bashkëpunëtorët më të ngushtë. Asnjë nuk e ka vizituar në burg
• 
  Hipokrizia e Edi Ramës me Erion Veliajn. Përse nuk e shkarkon dhe si e akuzonte Sali Berishën se nuk e sharkonte Arben Sefgjinin që ishte në “arrest shtëpie”?
• 
  Kush e drejton Bashkinë e Tiranës? Berisha i përgjigjet Ramës: Ke ndërhyrë në mënyrë brutale
• 
  Ministra, kryebashkiakë e deputetë të PS-së në qeli, Rama: Është shumë e dhimbshme
• 
  Rama flet si kryebashkiak: Vëmendja ime për Tiranën do të jetë e pandërprerë
• 
  Rama thumbon Veliajn? “Jemi aq të zotë sa të kapim edhe minjtë tanë”
• 
  Rimori sërish vendin e Veliajt, Ristani: Nuk ka krizë funksionale në Bashkinë e Tiranës
• 
  Rënia politike e Erion Veliajt, i riu mes një brezi politikanësh të vjetër
• 
  “De facto” kryebashkiak i Tiranës? Rama tregon a ia mori Bashkinë Erion Veliajt
• 
  “Der Standard”: Rama po sulmon prokurorët e SPAK për të shpëtuar Erion Veliajn