Rosalía është artistja më e famshme e kohëve të fundit. Këngëtarja spanjolle ndau “të vërtetën” e saj, ku bëhet fjalë për kritikat që ajo ka marrë në të kaluarën prej muzikës.

Shumë njerëz kanë argumentuar se këngëtarja nuk duhet të bëjë muzikë flamenko.

“Një nga arsyet që doja të bëhesha muzikante ishte sepse do të mund të udhëtoja dhe të mësoja gjëra të reja, të takoja njerëz të rinj.Të gjitha ato gjëra ndikojnë tek unë si person dhe unë dua që ato gjëra të ndikojnë dhe në zërin tim. Unë i kuptoj dhe ndjej empati me njerëzit që mund të ndihen ndryshe, por e vërteta është se, nëse do të ndaloja të mendoja se ka një mënyrë të drejtë ose të gabuar për t’u frymëzuar, nuk do të mund të bëja muzikë. Ka shumë gjëra, shumë njerëz që më kanë ndikuar, që më kanë mundësuar të bëj muzikën time. Nëse zgjedh stilet muzikore, mund të shihni se clasico reggaetón, dembow, bachata dhe bolero janë të gjitha të pranishme. E gjithë kjo është rezultat i dashurisë, admirimit dhe respektit maksimal”, tha këngëtarja e CANDY.

https://www.youtube.com/watch?v=9mToBfidWY8

Kur u pyet nga revista “GQ” nëse po mendonte për këto gjëra kur regjistroi Motomami, ajo u përgjigj: “Unë mund të flas me ju vetëm nga e vërteta ime, që nuk do të thotë se është e vërteta absolute”./L.K

/Zoom.al