GJKKO ka liruar nga paraburgimi ish-shefin e qarkullimit, Roven Zeka. Ndaj tij, togat e zeza kanë zëvendësuar masën e sigurisë nga “arrest me burg” në “arrest shtëpie”.
Roven Zeka kishte kërkuar një masë më të butë sigurie me pretendimin se kishte kthyer legenin.
Ish-shefi i qarkullimit dyshohet nga SPAK për korrupsion, lidhur me procedurat që ka ndjekur në një aksident rrugor.
Më 21 Maj, masa e ‘arrestit në burg’ u la në fuqi nga Apeli i GJKKO për të dhe oficerin Edison Tabaku, ndërsa shefi i hetimit të aksidenteve, Sokol Novaku u lirua në ‘arrest në shtëpi’ për shkak të rrethanave familjare.
Vetëm 4 muaj pas emërimit, një urdhërarrest u lëshua nga Prokuroria e Posaçme (SPAK) për drejtuesin e Policisë Rrugore të kryeqytetit, Roven Zeka më 19 prill të këtij viti.
Hetimet e SPAK kanë zbuluar se Roven Zeka, dhe shefi i sektorit të aksidenteve, Sokol Novaku morën një ryshfet prej 2 mijë eurosh nga një shofere, Anisa Vrioni, pas një aksidenti rrugor të ndodhur më 16 prill 2025 në Tiranë.
Nga përplasja e dy automjeteve, pesë pasagjerë të njërit automjet u dërguan në spital, ndërsa shoferja e automjetit tjetër, Anisa Vrioni, u detyrua të paguante shumën e kërkuar për të shmangur arrestimin.
Ryshfeti u sigurua nga bashkëshorti i shoferes, me ndihmën e disa personave të tjerë, dhe iu dorëzua njërit prej punonjësve të Policisë Rrugore. Gjatë hetimit janë sekuestruar si prova materiale rreth 2.5 milionë lekë dhe 26 mijë euro.
Bashkëshorti i Elisa Spiropalit kallëzohet në polici për kanosjen e zyrtares së lartë
