Një muaj më parë, reperi Rigels Rajku i njohur si Noizy, goditi me grushte ish-anëtarin e The Bloody Alboz (TBA) Kleviol Ahmetin, i njohur si Cllevio.
Sot, pas kësaj ngjarjeje ka ndodhur një tjetër sherr mes reperave. Mësohet se Arkimed Lusha, i njohur si Stresi ka rrahur keq një tjetër ish-anëtar të TBA-së, të njohur si BMT. Këtë ngjarje e ka bërë me dije vetë reperi me anë të një Story në Instagram.
“Familja është e shtrenjtë, mos ia shani askujt. Ky gangsteri,”-shkruan Stresi, krahas një fotoje të përgjakur të BMT-së.
Stresi madje ka realizuar një “live” në Instagram me Noizyn, ku ky i fundit e pyet me ironi çfarë kishe bërë sot.
Ndërkohë nga ana tjetër Stresi i është përgjigjur se e ka familjen më të shenjtën.
