Kryetari i Partisë Demokratike Sali Berisha ka reaguar pas postimit të deputetes Marjana Koçeku, e cila pretendon se është kërcënuar nga grupi i Bajrave nga Shkodra.

Berisha thotë se Koçeku është kërcënuar nga Rama pas largimit të saj nga grupi parlamentar i Partisë Socialiste.

“Kërcënimet ndaj deputetet Koçeku, të dënueshme, tregon që ai (Rama) ka vetëm një ligj, ligjin e mafies”, tha Berisha.

Pas deklaratës së Koçekut reagoi edhe Policia e Shkodrës e cila tha se nuk ka një denoncim të regjistruar. Avokati i familjes Bajri nga ana tjetër paralajmëroi padi ndaj deputetes, për dëmtim imazhi.

Koçeku ka qenë në qendër të vëmendjes javën e fundit që pasi hoqi dorë nga Partia Socialiste dhe publikisht sulmoi qeverinë Rama. Ajo i propozoi kryeministrit të shkojë në zgjedhje të parakohshme për të konfirmuar “83 mandatet” e fituara./ Zoom.al

Postime të lidhura

• 
  A u kërcënua Marjana Koçeku? Reagon avokati i familjes Bajri: S’ka prova, është sulm i drejtpërdrejtë!
• 
  Berisha "plas bombën": Balluku po përgatit largimin nga Shqipëria
• 
  “Do ju shkatërroj”/ Trondit Marjana Koçeku, mesazh Bajrajve të Shkodrës: Nëse familjes sime i preket një fije floku…