Lëvizja Vetëvendosje e Albin Kurtit është fituesja e zgjedhjeve të parakohëshme në Kosovë.
Komisioni Qëndror i Zgjedhjeve shpalli rezultatet paraprake, me këto rezultate:
Vetëvendosje 49,74%% me 427,277 vota.
Partia Demokratike të Kosovës 21,18% me 181,926 vota.
Lidhja Demokratike e Kosovës 13,75%, me 118,109 vota.
Aleanca për Ardhmërinë e Kosovës 5,75% me 49,361 vota.
Lista Sërska 3,93% me 33,790 vota
Me këtë rezultat Vetëvendosje mund ta formojë qeverinë e vetme, pa nevojën e aleancave.
Duke e konsideruar të mbyllur çështjen e qeverise, Kurti, në fjalimin e fitores tha se me opozitën do të duhej të negocionte për zgjedhjen e presidentit.
‘’Është tepër herët të flasim tani, sonte do të festojmë, dhe jo vetëm sonte, gëzuar vitin e ri 2026 të gjithëve. Por natyrisht që nuk do të vonohemi që ta trajtojmë edhe këtë çështje, na duhet të bisedojmë edhe me opozitën për çështjen e presidentes apo presidentit të ardhshëm., Por siç e kam thënë edhe mbrëmë, paraprakisht do të ulem të bisedoj me presidenten aktuale me pastaj do t’i ndërmarrim dhe hapat e ardhshëm në mënyrë që të ecim përpara bashkë, sepse dihet që si për marrëveshjet ndërkombëtare, ashtu për zgjedhjen e presidentit është e nevojshme që të qëndrojnë së paku 80 veta në sallë, edhe nëse votojnë kundër, dhe për këtë do të na duhet të bisedojmë’’.
Për të parë rezultatet e fundit të KQZ, mund të klikoni KËTU: /Zoom.al
