zoom

Të gjitha

Varëse apo kanatiere, Chiara Ferragni vë ndjekësit në dilemë

Chiara Ferragni po shkëlqen në Javën e Modës në Paris në kuptimin e parë të fjalës. Blogger-ja e famshme italiane që tashmë është një emër i padiskutueshëm për modën, ka zgjedhur disa veshje shumë të guximshme.

 

Në një nga daljet e saj pë markën “Balmain”, Chiara i qëndroi shprehjes “më pak është më shumë”. Biznesmenia zgjodhi një varëse-kanatierë që konkretisht është një nyje gjigande floriri e mbuluar me gurë të mëdhenj të ndritshëm. Kjo veshje-aksesor luan rolin e një bluzeje, por që Chiara nuk ka veshur aspak një të tillë.

 

Për ta lënë vëmendjen vetëm në pjesën e sipërme të veshjes, ajo e kombinoi me një palë pantallona të zeza pas trupit dhe taka. Duket se ekstravaganca do të përshkojë të gjitha fotot e Chiara-s pasi për “Schiaparelli”  veshi vetëm geta rrjetë dhe një pardesy të bardhë.

Një detaj tjetër janë takat. Për “Balmain”, “Schiaparelli” dhe në postimin e fundit me një veshje të frymëzuar nga Christina Aguilera, Chiara ka veshur të njëjtat këpucë.