Këngëtarja Vanesa Sono, ka folur për herë të parë pas daljes nga Ferma VIP, duke ndarë detaje për përjetimet e saj brenda fermës dhe marrëdhënien me Indrin, një nga temat më të diskutuara të këtij sezoni.
Pas eliminimit me vota të publikut, ku fillimisht u shpëtuan disa nga konkurrentet e tjera dhe në fund ajo mbeti më pak e votuara, Vanesa ishte pjesë e “Ferma Club” për të sqaruar situatën e saj personale dhe emocionale gjatë qëndrimit në program.
Ajo u shpreh se hyrja në fermë e kishte gjetur në një periudhë të vështirë të jetës, si në aspektin profesional ashtu edhe në atë personal, duke theksuar se nuk ishte e lumtur me marrëdhënien që kishte jashtë spektaklit. Sipas saj, ajo lidhje kishte kohë që kishte humbur funksionin dhe ishte mbajtur më shumë si pasojë e zakonit sesa ndjenjës.
Duke folur për afrimitetin me Indrin brenda formatit, Vanesa tha se lidhja mes tyre ka lindur në mënyrë natyrale gjatë ditëve të para në fermë, duke e bërë më të vështirë vazhdimin e një historie të vjetër jashtë saj. Ajo shtoi se përvojën e tyre brenda nuk e shpjegon dot thjesht apo në mënyrë logjike, por si një ndjesi që ndodh në rrethana të veçanta.
E pyetur nëse beson që Indri ka të njëjtat ndjenja, ajo u tregua e kujdesshme, duke theksuar se mund të flasë vetëm për emocionet e saj dhe jo për të tijat. Megjithatë, ajo la të kuptohej se mes tyre ka ende një lidhje emocionale të hapur.
Në fund, Vanesa u shpreh se sapo të ketë mundësi të komunikojë me botën e jashtme, një nga hapat e parë që do të bëjë është të kontaktojë personin me të cilin ka qenë e lidhur më parë, për të sqaruar situatën e saj personale.
“Kur kam hyrë në fermë, kam qenë në udhëkryqe shumë të mëdha në jetën time, si profesionale ashtu edhe personale. Nuk kam qenë e lumtur. Marrëdhënia që kisha jashtë nuk ishte e shëndetshme dhe në një moment do të përfundonte.
Doja që pavarësisht gjithë komplikacioneve që marrëdhënia ime ishte jashtë, ishte një marëdhnie që duhej të kishte marrë fund në muajin e dytë. Isha një vit e pak e lidhur. Ishte një marrëdhënie që në një moment do kishte marrë fund. Edhe ai vetë do e kishte bërë në një moment. Ishte një inerci pse marrëdhënia vazhdoi.
Edhe nëse ai nuk ka shkruar, gjëja e parë që do bëj sapo të marr telefonin, do gjej një lloj forme që t’i shkruaj”, tha Vanesa./ Zoom.al
ARRSH hap tenderin 5.24 milionë euro për lidhjen e Unazës Verilindore me Rrugën e Arbërit
