Një shqiptare është arrestuar bashkë me të birin e saj në ishullin grek të Rodosit, pasi akuzohen për posedim dhe trafikim kokaine.

Ndërkohë është shpallur në kërkim babai shqiptar, 43-vjeç.

Mediet greke shkruajnë se 43-vjeçari është i njohur nga policia e Athinës për pjesëmarrje në organizata kriminale të trafikut të drogës dhe zjarrvënie në dyqane.

Djali 24-vjeçar merrte dhe shpërndante tek palë të treta sasi droge për llogari të babait të tij, 43-vjeçarit të shpallur në kërkim.

24-vjeçari u arrestua nga policia greke teksa po transportonte kokainë me peshë 1 kilogramë e 191 gram.

Gjithashtu, atij iu gjetën edhe tre dokumente të transfertave në vlerë prej 6788 euro.

Ndërkohë, nënës së tij iu gjet kokainë me peshë 411.8 gramë dhe 1 kilogram e 597 gramë kanabis si dhe një shumë prej 6100 euro.
Media greke raporton ndër të tjera se përveç kësaj familje, nën hetim janë edhe 4 persona të tjerë, që dyshohet se janë pjesë e trafikut.

Të arrestuarit do të dërgohen në Gjykatën e Shkallës së Parë në Rodos.