Kompania SpaceX e Elon Musk ka kryer fluturim të tretë testues të raketës më të fuqishme të ndërtuar ndonjëherë.

Starship u ngrit me sukses nga baza e tij në Teksasin juglindor rreth orës lokale 08:25. Raketa shkoi “më shpejt dhe më larg” se më parë, tha ekipi i SpaceX në transmetimin e tij të drejtpërdrejtë.

Shpresohet që Starship, 120 metra i gjatë, do të sjellë një revolucion në transportin hapësinor, duke ulur koston e vendosjes së njerëzve dhe objekteve në orbitë.

Fluturimi testues i së enjtes pasoi misionet në prill dhe nëntor të vitit të kaluar, asnjëra prej të cilave nuk e bëri atë shumë minuta përtej pikës së ngritjes.