Ushtria amerikane ka rrëzuar balonën e dyshuar si pjesë të spiunazhit kinez mbi Oqeanin Atlantik.
Balona u pa për herë të parë në qiellin mbi Montana, në fillim të kësaj jave dhe udhëtoi në mes të vendit duke ndjekur ndryshimet e motit, përpara se të dilte nga Shtetet e Bashkuara kontinentale, të shtunën.
Para se balona të rrëzohej, Administrata Federale e Aviacionit mbylli aeroportet në Wilmington, Karolina e Veriut; Charleston, Karolina e Jugut; dhe Myrtle Beach, Karolina e Jugut. AFA gjithashtu kufizoi hapësirën ajrore pranë Myrtle Beach “për të mbështetur Departamentin e Mbrojtjes në një përpjekje për sigurinë kombëtare”.
View this post on Instagram
“Të mërkurën, kur u informova për balonën, urdhërova Pentagonin që ta rrëzonte atë – të mërkurën – sa më shpejt që të ishte e mundur”, u tha presidenti gazetarëve në Hagerstown, Maryland.
“Ata vendosën, pa i bërë dëm askujt në tokë, ata vendosën se koha më e mirë për ta bërë këtë ishte kur pajisja të dilte mbi ujë … brenda një kufiri prej 19 kilometrash. Ata e rrëzuan me sukses dhe unë dua t’i komplimentoj aviatorët tanë që e bënë atë”, shtoi presidenti, raporton CNN.
I pyetur nëse ky ishte një rekomandim nga ekipi i tij i sigurisë kombëtare, Biden përsëriti: “Iu thashë ta rrëzonin. Ata më thanë: Le të presim vendin më të sigurt për ta bërë atë.”
Dhunohet Polici i Rrugores në Shkodër, goditet me sende të forta jashtë orarit të punës
