Princi Leka ka ndarë me ndjekësit një moment të veçantë familjar, duke publikuar për herë të parë një fotografi pas ardhjes në jetë të djalit të tij, Princ Aleksandrit.
Në imazhin bardhezi të publikuar në rrjetet sociale, Blerta shfaqet duke mbajtur në krahë të porsalindurin, ndërsa pranë saj qëndron Princi Leka, i cili i mban dorën bashkëshortes në një moment plot emocion.
Publikimi u shoqërua edhe me njoftimin zyrtar të Oborrit Mbretëror Shqiptar, ku konfirmohet lindja e Princ Aleksandrit dhe ndahen detaje mbi këtë ngjarje të rëndësishme për familjen mbretërore.
Lajmi është pritur me reagime dhe urime të shumta në rrjetet sociale, ndërsa fotografia e parë familjare është shpërndarë gjerësisht, duke shënuar një moment të veçantë për Princin Leka, Blertën dhe familjen mbretërore shqiptare.
