Presidenti francez, Emmanuel Macron është shprehur se dëshiron që udhëheqësit e Ukrainës dhe Rusisë të zhvillojnë bisedime në një “vend neutral” si Zvicra.
Presidenti francez deklaroi se dëshiron të shohë edhe udhëheqësit evropianë në tryezë, si pjesë e çdo samiti midis Zelensky dhe Putin.
Macron i bëri komentet në një intervistë me transmetuesin francez LCI, duke konfirmuar se sot do të fillojë puna për hartimin e një propozimi për garanci sigurie për Ukrainën.
“Ne do të bashkojmë koalicionin e të vullnetshëmve me kryeministrin britanik Keir Starmer për t’i mbajtur ata të informuar.
Në të njëjtën kohë, ne do të nisim punë konkrete me amerikanët, për të parë se kush është i gatshëm të bëjë çfarë.“, tha ai.
Macron shtoi: “Ukraina do të bëjë lëshimet që i konsideron të drejta dhe të mira. Kjo paqe nuk mund të jetë një kapitullim, kjo do të ishte tragjike për Ukrainën dhe evropianët.” /ZOOM.AL
Përkeqësohen kushtet e motit, Policia e Shtetit apel për kujdes
