Adriatik Lapaj reagon ashpër pas përplasjes për mandatin e deputetit, duke akuzuar për shantazh dhe padrejtësi.
Ai shprehet se nuk do të ndalet në rrugën e tij drejt Kuvendit, edhe pse, siç thotë, po përballet me kundërshtime të forta nga brenda koalicionit “Shqipëria Bëhet”.
Ai akuzon Endrit Shabanin, kreun e Nismës Thurje, dhe dajën e tij Zeqir Kordhonin për përpjekje për ta penguar që të marrë mandatin e deputetit.
Më herët, Zeqir Kordhoni i dërgoi letër KQZ-së duke kërkuar të marrë mandatin e deputetit. Në zgjedhjet e 11 majit, ai ishte i nënti në listën e mbyllur në qarkun e Tiranës.
Reagimi i Adriatik Lapajt
Është angazhuar gjithë këneta si e si të mos shkoj unë në Kuvend. Po sa tmerr më keni?! O të mjerë, unë nuk pranoj shantazh e as shitem.
Zeqiri (dajo i Endrit) dhe nipi i tij Endri Shabani të cilit i shtriva dorën e bashkimit nuk do marrin asnjë mandat. Qameti do ndalojnë mua të shkoj në Parlament.
Është një popull i tërë dëshmitar se Endri Shabani u angazhua për hapjen e listave dhe doli garant për familjarët e vetë.
Nëse Endri Shabani do të mbahet mend kështu në jetën publike, mbarë u shkoftë bashkë me dajon!
Jam krenar që u luftova nga çdo anë dhe nuk u ndala! U luftova nga Rama, Saliu dhe këta “të rinjtë”, deri dhe te ky që e futa në gji…nga të gjithë.
Ndaj meje dhe krejt ekipit të Lëvizjes Shqipëria Bëhet po konsumohet publikisht PADREJTËSI!
Populli do gjykojë.
Labi premtoi 150 euro për Roelin nga çdo event, shpërthen Rezart Veleshnja: Shpati nuk lypi kurrë
