Presidenti i OpenAI, Greg Brockman, ka zbuluar detaje nga një takim i vitit 2017 me Elon Musk lidhur me përpjekjen e hershme të miliarderit për të kontrolluar kompaninë e inteligjencës artificiale (IA).

Brockman, një bashkëthemelues i OpenAI dhe i pandehur në padinë e Musk që përpiqej të anulonte kalimin e saj në një biznes fitimprurës, tha në gjykatën federale të Oakland se kur ai hodhi poshtë propozimin që Musk të kishte më shumë ndikim në kompani, humori i Elon ndryshoi papritur.

“Në fakt mendova se ai do të më godiste”, tha Brockman, duke iu referuar Musk.

Takimi përfundoi pak më pas, tha Brockman, me Musk që njoftoi se do të fillonte të pezullonte financimin nga OpenAI, të cilin e kishte mbështetur që nga fillimi i saj në vitin 2015.

Dëshmia e Brockman vjen gjatë javës së dytë të një gjyqi njëmujor midis Musk dhe themeluesit dhe drejtorit ekzekutiv kryesor të OpenAI, Sam Altman.

Është pjesë e një përplasje mes tyre që është rritur me kalimin e viteve që kur Musk u largua nga OpenAI, ku ai ishte ndër bashkëthemeluesit e parë, dhe kompania e inteligjencës artificiale u bë një nga ndërmarrjet më të vlefshme të teknologjisë në botë pas lançimit të ChatGPT.

Përpara se Musk të vendoste të largohej nga OpenAI, Brockman përshkroi përpjekjet e tij për të fituar më shumë kontroll mbi kompaninë, një përpjekje që përfshinte “mbështetjen” e Brockman dhe një bashkëthemeluesi tjetër, Ilya Sutskever.