Sekretari i Përgjithshëm i Partisë Demokratike, Gazment Bardhi ka publikuar një deklaratë të fortë ndaj zëvendëskryeministres dhe ministres së Infrastrukturës dhe Energjisë, Belinda Balluku, duke e cilësuar atë “firmën dhe emrin e çdo afere korruptive të qeverisë së Edi Ramës”.
Në një postim në rrjetet sociale, Bardhi e ka quajtur koncesionin e Aeroportit të Vlorës një mega-aferë të provuar me dokumente shtetërore si një procedurë fiktive, me kompani fiktive dhe me veprime në mashtrim të ligjit.
Sipas tij, dokumentacioni zyrtar i firmosur nga Balluku tregon se kompanitë Mabco Construction dhe 2A Group nuk plotësonin kriteret ligjore për të fituar koncesionin, ndaj gjatë aplikimit kanë përfshirë në mënyrë fiktive kompaninë turke YDA Group, e vetmja me eksperiencë reale në ndërtimin e aeroporteve.
Bardhi thekson se një vit pas shpalljes fitues, YDA Group është tërhequr nga zotërimi i 40% të aksioneve, të cilat janë shitur për vetëm 4 450 euro, një shumë që ai e cilëson “qesharake”, duke theksuar se “në çdo shtet normal, ky akt do të kishte sjellë anulimin automatik të koncesionit”.
Skeretari demkrat ka kërkuar më tej nisjen e menjëhershme të hetimeve nga ana e SPAK.
Postimi i plotë i Gazment Bardhit:
Belinda Balluku është emri dhe firma e çdo afere korruptive të qeverisë së Edi Ramës.
Mega-afera e koncesionit të Aeroportit të Vlorës është provuar me dokumente shtetërore si një procedurë fiktive, me kompani fiktive dhe me veprime të kryera hapur në mashtrim të ligjit. Në çdo faqe të kësaj skeme shfaqet i njëjti emër: Belinda Balluku.
• Pak histori për shumë korrupsion
Dokumentacioni zyrtar i procedurës tregon qartë se kompanitë Mabco Construction dhe 2A Group nuk plotësonin kriteret ligjore për të fituar koncesionin e Aeroportit të Vlorës. Për këtë arsye, gjatë aplikimit, ato futën në mënyrë fiktive në konsorcium kompaninë turke YDA Group, e vetmja me eksperiencë reale në ndërtimin e aeroporteve.
Por vetëm një vit pas shpalljes fitues, YDA Group u tërhoq nga zotërimi i 40% të aksioneve. Aksionet u shitën tek njëra nga kompanitë koncesionare për shumën qesharake prej 4 450 euro. Pra, 40% e një aeroporti ndërkombëtar, me fitime të parashikuara mbi 700 milionë euro, u vlerësuan sa një makinë e vjetër e përdorur! Në çdo shtet normal, ky akt do të kishte anuluar automatikisht koncesionin. Por në Shqipërinë e Edi Ramës dhe Belinda Ballukut, nuk ka asgjë normale – ka vetëm korrupsion, vjedhje dhe zhvatje.
• Një krim i shkruar në letra
Ministrja përgjegjëse për koncesionin e Aeroportit të Vlorës, Belinda Balluku, miratoi tërheqjen e kompanisë turke pa bërë asnjë zhurmë, pa ngritur asnjë shqetësim dhe duke pranuar zyrtarisht fiktivitetin e gjithë procedurës. Vetëm dikush i përfshirë që në nisje në skemën korruptive mund të heshtë në një situatë kaq flagrante fiktiviteti.
Do të mjaftonte vetëm publikimi i shkresës, ku Belinda Balluku lejon transferimin e aksioneve dhe pranon zyrtarisht fiktivitetin e procedurës, që sot SPAK të kishte shkuar në zyrën e saj për ta nxjerrë prej aty dhe për ta mbyllur në Pjoskë.
Ky krim nuk është edhe aq intelektual sa t’i shpenzojë SPAK-ut shumë kohë për ta hetuar. Procedura fiktive është në letra. Në letra janë edhe lidhjet familjare të Belinda Ballukut me njërën prej kompanive koncesionare. Krimi është njësoj flagrant si afera tjetër e Edi Ramës dhe Belinda Ballukut me 53 milionët eurot PLUS të Tunelit të Llogarasë. Edhe ky një krim aspak intelektual, por dosja e të cilit qëndron ende e paprekur në SPAK.
Faktet janë publike, dokumentet ekzistojnë. Çështja është se na duhen prokurorë që nuk kanë vija të kuqe të paracaktuara për pandëshkueshmërinë apo prokurorë që nuk intimidohen nga krimi i organizuar. Kjo mbetet ende për t’u provuar! Zoom.al/
Botërori humbet një legjendë! Messi i jep lamtumirën mes lotësh
