Kryeministri Rama njoftoi sot befas se Najada Çomo kishte hequr dorë nga mandati i deputetes, të cilin e mori si e dyta në listën e PS –së së Tiranës. Ajo, së bashku me inxhinieren Luljeta Bozo, ishin fytyrat e reja të fushatës. Aty u bazua strategjia e Ramës. Najada Çomo e pati të vështirë në atë kohë, kur pandemia vazhdonte të merrte jetë njerëzish, të shpjegonte se përse po e linte detyrën për t’iu bashkuar PS-së.
Po çfarë tha ajo për këtë kur iu kërkua nga PS si pjesë e strategjisë së fushatës elektorale?
“E pranova ftesën sepse kush më mirë se mua ta reflektojë punën e madhe të bërë në spitalet COVID, besoj të vlefshme për mbarëvajtjen e shëndetit të popullatës dhe për ta bërë më të mirë këtë pjesë të politikës që jemi sot një nga motivet e forta për të vazhduar punën në mënyrë korrekte ka qenë dhe suporti i kryeministrit Edi Rama në mbarëvajtjen e kësaj pandemie. Ajo që na nevojitet më shumë nga të gjitha është që duhet të besojmë tek masat dhe e ardhmja, që besoj se do të jetë më e mirë se sa sot”.
Mesazhi i dhënë më 10 mars, në fakt i shkon më shumë vendimit që Çomo ka marrë sot, sesa vendimit për ta braktisur infektivin për t’u bërë deputete. /Zoom.al
