Prokurorja e Përgjithshme e SHBA-së, Pam Bondi, deklaroi se Nicolas Maduro do të “përballet së shpejti me zemërimin e plotë të drejtësisë amerikane, në tokën amerikane dhe në gjykatat amerikane”, pasi ai është arrestuar në Venezuelë.
Duke shkruar në rrjetet sociale herët të shtunën në mëngjes, Bondi iu referua aktakuzës ndaj Maduro-s, e cila e akuzon atë për “komplot për narkoterrorizëm, komplot për importim kokaine, posedim të mitralozëve dhe pajisjeve shkatërruese, si dhe komplot për posedim mitralozësh dhe pajisjesh shkatërruese kundër Shteteve të Bashkuara.”
Maduro është paditur nga Prokuroria e Distriktit Jugor të Nju Jorkut që në vitin 2020, por të shtunën në mëngjes nuk ishte e qartë se cili ishte vendndodhja e tij e saktë.
Bondi falënderoi Donald Trump-in dhe ushtrinë amerikane, për të cilët tha se “kanë kryer një mision të jashtëzakonshëm dhe shumë të suksesshëm për kapjen e këtyre dy trafikantëve ndërkombëtarë të dyshuar të drogës”, duke iu referuar Maduro-s dhe bashkëshortes së tij. /Zoom.al
