Sezoni i parë i “The Voice Kids” në Shqipëri iu besua Xhemi Shehut për ta moderuar.
Por, teksa kujton të gjithë emisionet që ka prezantuar në ekranin e Top Channel, Xhemi përmend “The Voice Kids” si projektin që nuk do të donte ta moderonte.
“Është programi që jam bërë pishman, nuk ka dalë mirë, madje dhe ju e keni harruar që e kam bërë. Kam pasur eksperiencë jo fort të këndshme”.
Ndërsa si programin më të mirë, Xhemi thotë Portokallinë.
“Do ta mbaja gjithë jetën, pa dyshim”, rrëfehet moderatorja e ftuar tek “Ëndërrtjerrësit”, ndërsa pas saj liston emisonin “E Diell”, ku ka prezantuar krah Arbana Osmanit, Ledion Liços dhe Adi Krastës.
