Hakerë të lidhur me Iranin kanë arritur deri te drejtori i FBI-së, Kash Patel duke u futur në emailin personal të tij e duke publikuar në internet fotografi dhe të dhëna personale.
Në faqen e tyre të internetit, grupi i hakerëve Handala Hack Team u shpreh se Patel “tani do ta gjejë emrin e tij midis listës së viktimave të hakuara me sukses”. Një zyrtar i Departamentit të Drejtësisë konfirmoi se emaili i Patel ishte hakuar dhe tha se materiali i publikuar në internet dukej autentik, raporton Reuters.
Handala, e cila e quan veten një grup hakerash vigjilantë pro-palestinezë, konsiderohet nga studiuesit perëndimorë si një nga disa personazhe të përdorura nga njësitë e inteligjencës kibernetike të qeverisë iraniane.
Materialet e publikuara të shefit të Byrosë Federale të Hetimit datojnë nga viti 2011 deri rreth vitit 2020, përpara se ai të zgjidhej në detyrë.
Labi premtoi 150 euro për Roelin nga çdo event, shpërthen Rezart Veleshnja: Shpati nuk lypi kurrë
