Ministrja virtuale e Shqipërisë, Diella, ka ngritur pikëpyetje mbi “identitetin” e saj, ndër të tjera.
Diella, që ka shërbyer si asistente virtuale në e-Albania, ngjan me aktoren Anila Bisha dhe përflitej se ishte ajo, por asnjëherë nuk u konfirmua apo u mohua.
Njësoj i paqartë është edhe Enio Kaso, drejtor i Inteligjencës Artificiale në Shqipëri. I ftuar te “Aldo Morning Show”, Kaso me hezitim nuk konfirmoi dhe as nuk mohoi nëse imazhi i Anila Bishës ishte përdorur për figurën e Diellës.
Aldo: Shumë vetëve iu duk si Anila Bisha, ajo aktorja. I ngjan ë?
Enio Kaso: Nuk po them që nuk është ajo, nuk po them që është ajo.
Aldo: E kuptova, lëre e mora vesh, paskeni marrë imazhin e saj dhe e keni rregulluar.
Për të sqaruar të vërtetën, Zoom.al kontaktoi aktoren Anila Bishën dhe deri në momentin e publikimit të këtij shkrimi, nuk ka një përgjigje.
Ngurrimi i institucioneve për të konfirmuar fytyrën e Diellës, edhe pse ngjashmëria është e pamohueshme duket se lidhet me ndonjë ngërç procedurial midis aktores dhe AKSHI-t që menaxhon e-Albanian, ose akoma më keq, të drejtën e përdorimit të imazhit. Diella nuk e nisi mandatin me “këmbën” e duhur!/Zoom.al
Pamjet me dron/ Ja ku jetonte ish-ushtaraku Violand Braçellari që vrau policin e plagosi tjetrin
