Zhvillohet ceremonia mortore për katër anëtarët e familjes Kola, të cilët humbën jetën tragjikisht në Itali.
Arti Kola, 48 vjeç, bashkëshortja e tij Jonida Kola, 44 vjeç, si dhe dy fëmijët e tyre, Hajdar Kola, 23 vjeç dhe Xhesika Kola, 16 vjeç, do të përcillen për në banesën e fundit mes dhimbjes së madhe të të afërmve, miqve dhe komunitetit.
Ceremonia për dhënien e lamtumirës do të zhvillohet në orën 13:00, në Gryksh i Madh të Peqinit.
Për të bërë të mundur kthimin e trupave nga Italia në Shqipëri, u hap edhe një faqe “GoFundMe”, ku mblodhën rreth 75 mijë euro.
Katër anëtarët e familjes Kola u gjetën pa shenja jete më 4 shkurt në banesën e tyre në zonën e Porcarit.
Dyshohet se shkaku i humbjes së jetës ka qenë asfiksia nga monoksidi i karbonit, që mendohet të jetë çliruar nga sistemi i ngrohjes me gaz i instaluar së fundmi.
Autoritetet italiane kryen analizat përkatëse toksikologjike, ndërsa pas përfundimit të procedurave ligjore u i mundur riatdhesimi i trupave.
Shtëpia ku ndodhi ngjarja ishte blerë disa vite më parë nga Arti Kola, i cili punonte si piktor. Djali i familjes ushtronte profesionin e elektricistit, ndërsa vajza ishte ende në moshë shkollore./ Zoom.al
Zbulohet laborator kokaine në Itali, arrestohen dy shqiptarë
