Një tjetër tërmet është regjistruar në Greqi pasditen e së shtunës, duke rikthyer shqetësimin në zonat e prekura nga aktiviteti sizmik.

Sipas të dhënave paraprake, lëkundjet kanë qenë me magnitudë 4.5 ballë të shkallës Rihter dhe janë ndjerë në zonën e brigjeve të Hanias, në ishullin e Kretës.

Epiqendra e tërmetit është lokalizuar rreth 36 kilometra në jugperëndim të Paleochoras, ndërsa thellësia fokale është llogaritur rreth 14.2 kilometra.

Deri më tani nuk raportohen dëme materiale apo persona të lënduar, megjithatë lëkundjet kanë shkaktuar frikë dhe panik tek banorët e zonës. Autoritetet lokale po monitorojnë situatën dhe po verifikojnë nëse ka pasoja nga tërmeti.

Më 8 mars një tjetër tërmet me magnitudë 5.3 ballë tronditi zonën e Janinës, duke u ndjerë edhe në kufirin shqiptaro-grek./ Zoom.al

Postime të lidhura

• 
  Lëkundje tërmeti në Greqi
• 
  Turqia goditet nga tërmeti, sa ishte magnituda
• 
  Tërmet i fortë në Greqi, lëkundjet ndihen edhe në kufirin me Shqipërinë
• 
  Tërmet i fortë në jug të Italisë, sa ishte magnituda
• 
  Tërmet në Greqi, sa ishte magnituda