Gjykata Kushtetuese pritet të shqyrtojë këtë të mërkurë kërkesën e kryebashkiakut të Tiranës, Erion Veliaj, i cili kundërshton masën e sigurisë “arrest në burg” të caktuar ndaj tij nga GJKKO në shkurt të vitit 2025.
Masa ndaj Veliajt është konfirmuar më pas edhe nga Apeli i GJKKO-së, si dhe nga Gjykata e Lartë, ndërsa tashmë çështja ka kaluar për shqyrtim në Kushtetuese.
Seanca pritet të nisë në orën 10:00 dhe do të zhvillohet mbi bazën e dokumentacionit të paraqitur, pa praninë e palëve në sallë.
Në ankimin e tij, Veliaj pretendon se masa e sigurisë është joproporcionale, duke argumentuar se ai është jo vetëm qytetar, por edhe një funksionar i zgjedhur në përputhje me Kushtetutën.
Sipas kërkesës së depozituar në Gjykatën Kushtetuese, ai pretendon se nuk janë vlerësuar siç duhet kriteret për vendosjen e masës së sigurimit. Veliaj argumenton gjithashtu se Kodi i Procedurës Penale parashikon që, pas kalimit të një periudhe kohore, personat ndaj të cilëve zhvillohet proces penal duhet të gjykohen në liri kundrejt një garancie pasurore.
Labi premtoi 150 euro për Roelin nga çdo event, shpërthen Rezart Veleshnja: Shpati nuk lypi kurrë
